Reportajen Filomena da Conceicao
Relasiona ho kapturasaun peska ilegal husi Unidade Polisia Maritima (UPM) iha Kosta Sul ba Ro peska husi nasaun vizina Indonésia ho naran KM Makmur Rejeki Mulya, nune’e pesador lokal husu seguransa sira atu kontinua tau matan ba tasi hodi asegura riku soin tasi nian husi tasi kosta sul no norte.
Relasiona ho problema refere peskador lokal iha area Lecidere munispiu Dili jose, husu atu polisia Patruliamentu Maritima kontinua hatiku servisu neebe diak hodi bele hodi prevene peskador ilegal sira nauk ikan iha tasi Timor nian.
“Kona ba peskador ilegal sira ami husu para polisia maritima sira tenke kaer tanba sira hasai ona ita nia rikusoin”, dehan jose ba Neomentin iha segunda, loron 27/04
Nia realsa, governu Timor-Leste tenke fahe ro neebe boot ba peskador lokal siea hodi sira bele uza hodi halao seivisu peska nian nunee, fasil ba sira domina tasi Timor nian hodi bele hamenus ema nauk ikan iha tasi.
” ami peskador sira lakon ho ema ilegal ka peskador husi Rai seluk nian tamba ema iha material neebe kompletu maibe ami so iha deit ro kiik sira nunee, ami labele lao hanesan sira entaun ema nafatin mai nauk ita nia rikusoin bahira menus kontrolu husi polisia maritima sira”, Dehan Jose
Ami peskador Rai laran nia hakarak mak estadu tenke tau matan atu nunee peskador ilegal sira labele mai tama iha nia tasi, hodi kaer itan nia ikan sira arbiru se governu mak husik deit entaun sira kontinua mai kaer ita nia ikan, entaun ida nee susar tebes mai ami peskador sira tamba ami nia moris mak ida ne’e
“Ami husu ba polisia maritima sira katak labele iha deit sidade maibe tenke sai ba halo seguransa iha loromonu , lorosae , too Rai klaran tanba hodi bele kontrola ro ilegal sira ne’e hodi labele tama arbiru iha ita nia tasi”, Dehan Nia
Iha fatin hanesan, peskador lokal andre husu mos ba parte seguransa Unidade Maritima atu tau matan nafatin ba tasi iha Kosta sul & Norte hodi kuidadu nafatin rikusoin Timor.
” kona ba peskador ilegal sira ne’e hau sente ladiak tanba ne’e husu ba ita nia seguransa sira mak tenke tau matan nafatin ba peskador ilegal sira ne’e atu sira labele mai tan”, dehan Andre
Nia esplika, tasi ita nian nee iha ikan barak maibe jere mak ladun diak tanba falta kontrolu husi ita seguransa sira, nunee fasil ba ema husi Rai seluk kontinua tama iha nia tasi hodi nauk ita nia ikan boot sira
Antes ne’e, iha loron 16 fulan abril tinan ne’e Polisia nasional Timor Leste liu husi Unidade Polisia Maritima UPM kaer ro peska ilegal iha area tasi kosta sul area Uatucarbau no Uatulari nian.
