Home EduTek Estudante IOB nain 3 Dezenha Web “Assanami”

Estudante IOB nain 3 Dezenha Web “Assanami”

354
0
Estudante IOB lansa web Assanami. [Foto: Adroaldo | 22.07.2020]

Reportazen Adroaldo ‘Saretukau’

Estudante Fakuldade Information Communication and Technology, Institute of Bussiness iha inisiativa hodi kria website “Assanami” ne’ebe lansa iha salaun IOB Fomentu Dili. Website refere oferese hosi estudante nain tolu ne’ebe dezena hodi fo prezenta ba Mariano Sabino “Assanami”

Vise Reitor IOB, António Soares Martins hatetetn ba autor ne’ebé produz portal ne’e, atu badinas no promove nafatin saída mak sira hetan.

“Ha’u kakarak hato’o lia menon ba autor ne’ebé produz portal ne’ebé ita lansa, husu mos ba ita boot sira atu badinas no promove nafatin saída mak ita boot sira hetan hosi ensinu superior, liu-liu iha konnesimentu, abilidade no mos attitude”, hateten Antonio, 22/07.

Reitor IOB hateten produtu ne’ebé ita boot sira kria ona, hodi utiliza sai hanensa meiu de komunikasaun ba sosiedade hotu, hanoin katak ita boot sira motiva tebes, oinsá ita boot sira bele asegura enerjia ne’e, atu seguru liu tan hodi fo nafatin informasaun ne’ebé mak kredivel, informasaun ne’ebé mak lolos ba sosiedade, hodi nune’e bele dezenvlve mos ita nia sosiedade iha país ida ne’e.

Iha fatin hanesan Mariano Sabino Assanami apresia tebes ba estudante nain tolu ne’ebe oferese ona hosi IOB.

Nia hateten Information Tecnology ne’e sinal importante ba modernizasaun no ba globalizasaun ne’ebé ema haree.

“Agora ne’e ema bolu imi joven jerasaun milenial, ne’e katak imi tama ona iha milenium ida ne’ebé mak imi moris, imi nu’udar joven”, hateten Assanami

Nia dehan ladun ativu iha media sosial sira maibé liu hosi website ne’ebé ha’u iha, hau sei badinas liu tan, ha’u esforsu atu haree, “website ida ne’e sira mak oferese mai ha’u, website pesoal nian, pronto para ema asesu ba laran, saída mak ita hanoin, saída mak ita hakarak, saída mak ita halo ba oin, liu hosi website ida ne’e ema bele hare, ema bele hatene saída mak ita nia hanoin”, hateten Assanami

Lansamentu website www.assanami.com akompanha hosi Vise Reitor IOB, Prezidente Klibur IOB no Profesor no estudante sira.

LEAVE A REPLY

Please enter your comment!
Please enter your name here