Home Meio Ambiente Impaktu Hosi Udan Boot, Ponte Liga Ba Suku Dilor, Ahik no Laline...

Impaktu Hosi Udan Boot, Ponte Liga Ba Suku Dilor, Ahik no Laline Iha Viqueque Tohar

908
0
Udan boot halo ponte iha Suku Uma-Tolu tohar. [Foto: Anselmo Carvalho | 22.05.2020]

Reportazen Santina Lucia da Costa

Relasiona ho udan boot ne’ebe akontese iha semana ida nia laran iha Munisipiu Viqueque, Postu Administrativu Lacluta, Suku Uma-Tolu rezulta ponte tohar,  bee tama komunidade nia uma no estraga komunidade nia to’os. Ponte refere liga ba suku uma tolu hanesa suku Dilor, suku Ahik no suku Laline.

“Udan boot semana ida ona, ponte kotu iha loron 16/5/2020, mais ou menus tuku  08:00 kalan no iha loron 20/5 dadersan ekipa husi Institutu Gestaun Ekipamentus (IGE) mai ateru hotu tiha ona no sira fila horseik no horikalan udan boot tan, ohin dadersan tuku 7, mota sobu fali de’it”, hateten komunidade Anselmo Carvalho ba Neon Metin liu hosi mensajen WhatsApp, 22/5.

Anselmo Carvalho haktuir udan boot horikalan fo impaktu ba komunidade nia uma 8 ka 9 mak bee tama, inklui estragus to’os  laran hanesan hudi, ai-farina no seluk tan no transporte sira labele halo movimentasaun ba mai. Anselmo hateten agora dadaun udan boot hela no ekipa IGE seidauk to’o iha fatin refere.

Udan boot ne’ebe akontese fo impaktu mos ba municipiu Lautem, Manufahi no Covalima, estraga ponte no Estrada boot no fo impaktu ba transporte sira ne’ebe ba mai municipiu labele halo movimentu.

Print Friendly, PDF & Email

LEAVE A REPLY

Please enter your comment!
Please enter your name here