Home Notisia Kandidatura Rogério Lobato Rejistu Ona Iha TR Hodi Kompete Iha Eleisaun Prezidensiál

Kandidatura Rogério Lobato Rejistu Ona Iha TR Hodi Kompete Iha Eleisaun Prezidensiál

416
0
Porta voz ekipa susesu husi kandidatura independente, Mateus Maia de Jesus . [Foto: David | 02.02.2022]

Reportajen David da Costa Gusmao

Kandidatura independente ba Prezidente da Republika, Rogério Tiago de Fátima Lobato, ohin rejistu ona iha Tribunál Rekursu (TR), atu konkorre iha elisaun Prezidensiál tinan 2022 to’o 2027.

Porta voz ekipa susesu husi kandidatura independente, Mateus Maia de Jesus dehan ekipa susesu kandidatura independente ba Prezidente Republika, Rogerio Lobato nian ohin mai rejistu ona nia kandidatura iha Tribunál,  no kandidatu independente ne’e prepara-an atu avansa ba iha kampaíña no elisaun iha 19 Marsu.

“Ami ohin mai rejistu ona ami nia kandidatura independente, Rogério Tiago de Fátima Lobato ba kandidatu Prezidente Repúblika tinan 2022-2027. Tuir prosedimentu ami hatama hotu ona no  rejistu ona iha Tribunál, no ami prepara-an atu avansa iha kampaíña  elisaun nian iha 19 Marsu,” dehan ekipa susesu kandidatura Rogeiro Lobato ba jornalista sira iha Tribunal Rekursu, Kaikoli, kuarta 2/02.

Kandidatura independente ba Prezidente mai ho forsa polítika ho proponente hamutuk 6.410.

“Ami mai ho lista proponente hamutuk 6.410,  apoiante sira ne’e mai husi 13 munisipiu no inklui RAEOA, kada munisipiu apoiante hamutuk 500,” nia dehan.

Entretantu to’o ohin loron 2 Fevereiru, kandidatura hamutuk na’in 9 maka rejistadu ona iha Tirbunál Rekursu, kandidatura husi partidu CNRT, José Manuel Ramos Horta, Partidu FRETILIN, Francisco Gutrres Lou-Olo, Partidu KHUNTO, Aramanda Bertra Dos Santos no husi Partidu PD, Mariano Assanami Sabino Lopes. Kandidatura indepedente maka Angelina Freitas, Milena Pires, Felisberto Araújo Duarte, Lere Anan Timur inklui Rogeiro Lobato.

Print Friendly, PDF & Email

LEAVE A REPLY

Please enter your comment!
Please enter your name here