Reportajen Umbelina dos Reis, Ray Vieira
Millennial Change Maker organiza formasaun Literasia Digital ba joven sira iha Munisípiu Ermera, hodi hasae joven sira nia koñesimentu, oinsá uza sosial media hodi lori impaktu pozitivu iha moris lor-loron.
Ba Neon Metin Komisaun organizadora, Rosália Elfy Mariana Jose Trindade hateten
Komisaun organizadora Rosalia Elvi Mariana Jose Trindade hateten treinamentu literásia dijitál ne’e oferese ba joven sira iha Ermera, hodi hasae sira nia abilidade
“Objetivu husi formasaun mak atu hasa’e joven sira nian koñesimentu iha digital literacy, oinsa atu uza media social hodi tranzmite mensajen positive ba sosiedade, no mos hakarak atu halo koneksaun hamutuk ho joven sira iha munisípiu sira seluk, atu nune’e formasaun ba programa digital literacy labele para deit iha ne’e”, dehan Rosalia iha postu Gleno, munisipiu Eremera, Sesta 19/11.
Nia dehan antes ne’e, hetan ona treinamentu iha UN-Women, nune’e hanesan joven transformadór ida iha inisiativa hakarak atu mai fahe fali esperiénsia ba kolega joven sira seluk iha area rural sira.
Iha fatin hanesan, Jaime de Jesus Madeira apresia tebes ho programa formasaun ne’e, nune’e bele haklean liután konnesementu joven sira nian oinsá utiliza sosial media ho diak
“Hau tuir formasaun ne’e aumenta tan ami nia kapasidade iha area Digital Literacy ne’ebé mak diak, no sai juventude ne’ebe mak maduru, atu ajuda oinsa partilla ba esperensia neebe mak ami simu husi formasaun sira,” nia dehan.
Nia sujere ba juventude hotu atu uza media sosial ho responsabilidade,”ba maluk joven iha rai doben Timor -Leste, nafatin mantein iha mentalidade diak, karik ita uza media-social, ho seguru no responsabilidade”.
Iha programa ne’e rasik Prezidente Asosiasaun Jornalista Timor Lorosa’e (AJTL), Zevonia Vieira aprezenta mos matéria konaba jurnalismu sidadaun (citizen journalism), oinsá joven sira iha area rural bele halo serbisu jornalista nian, hodi patrilla iha sosial media, konaba akontesimentu ka programa ne’ebe joven sira halo iha area rural no aprezenta mos kódigu étika jurnalistika ba joven sira, oinsá joven sira bele komprende papél jornalista nian tuir étika no lei komunikasaun sosial.
Programa ne’e realiza husi Millennial Change Maker no hetan apoiu finanseiru husi UN Women. Formasaun ne’e halo durante loron tolu husi 18-20 Novembru.
