Home Notisia KI Sensibiliza Lei KomSos & Regulamentu KI ba Xefe Redasaun No Direitor...

KI Sensibiliza Lei KomSos & Regulamentu KI ba Xefe Redasaun No Direitor Media Sira

167
0
Direitora ezekutiva KI, Ana Sequera no Konseilor KI Francisco halo enkontru jornalista sira. [Foto: Copyright Media KI | 23.11.2019]

Reportazen Santina Lucia da Costa

Konselho Imprensa [KI] sensibiliza Lei Komunikasaun Sosial [KOMSOS] no regulamentu KI, hodi bele ajuda hasae jornalista sira nia konnesimentu.

Liu hosi sensibilizaun hamutuk ho xefe redasaun, editor no jornalista sira, membru KI, Konseleiru Francisco Belo Simões hateten, objetivu hosi enkontu ne’e atu patrilha informasaun no transforma buat balun ne’ebe preseiza hodi tau iha servisu jurnalismu nian.

“Durante ne’e barak ema hatoo keixa konaba produtu jornalismu iha mós lamentasoens, kritika ba ita nia servisu sira, liu husi meius ida ne’e, ita koko transforma ba malu, laos katak Konsellu Omprensa perfeitu, maibé Konsellu Imprensa presiza ita boot sira nia ideia, kontribuisaun atu oinsa maka ita hamutuk hadia no dezenvolve media iha Timor”, iha otel Beach Garden, 23/11.

Konseilor hatutan katak media iha Timor, iha ita hirak ninia kabaas, atu ba oin ka ba kotuk ne’e iha ita nia kabaas, esensial liu ba ita maka ita halo servisu ho professional, hodi obdese ba regulamentu ho kode etiku sira ne’ebé ita iha ona.

“Ikus-ikus ne’e ita hotu preokupa, buat ida iha tinan hirak liu ba, produz Lei Komunikasaun Sosial, ami nia preokupasaun boot maka, oinsa Lei ne’e bele halo atu ema labele iha intervesaun politika, poder ekonomiku ba independensia editórial, sira halo antisipasaun kedas. Buat ne’ebé iha konsellu redasaun ne’e hanesan orgaun ida independente iha redasaun laran labele iha intervensaun, media na’in mós laiha kompetensia hateten katak notisia ne’e tenki hanesan ne’e no hanesan ne’eba, ida ne’e kabe ba kompentensia konsellu redasaun nian. Konsellu redasaun ne’ebé diriji husi xefe redasaun maibé ita iha timor ema iha uituan harii media tanba iha interese, balun fali labele distingi, balun fali media na’in, xefe redasaun nia mak foti dala ida”, hateten Francisco.

Iha sorin seluk, Diretóra Ezekutiva, Ana Teresa Sequeira heteten, sensibilizasaun Lei Komunikasaun Sosial atu hasae konnesimentu jornalista sira nian kona-ba Lei Komunikasaun Sosial, para minimize violasaun kode etika jornalizmu ninian, tanba ne’e maka Konsellu Imprensa hala’o sensibilizasaun atu hasae koñesimentu etika ninian, ida ne’e atu garante katak sir abele halao sira nia servisu profisional, bainhira ema temi katak jornalista profisional ne’e tanba jornalista ne’e kumpri ninian kode etika.

“Sensibilizasaun ohin loron nian hakarak atu ami nia alvu ne’e ba liu editor sira ho director media sira, tanba sira maka halo desizaun iha instituisaun media, dala barak notisia atu tun sira maka desidi, bainhira ba kobertura sira mak desidi”, dehan Diretóra Ezekutiva.

 

LEAVE A REPLY

Please enter your comment!
Please enter your name here