Home Notisia Lere Agradese Pais Sira Ne’ebe Apoiu F-FDTL Iha Formasaun no Seitor Infrastrutura

Lere Agradese Pais Sira Ne’ebe Apoiu F-FDTL Iha Formasaun no Seitor Infrastrutura

813
0
Xefe Estadu Maiór Jenerál F-FDTL, Majór Jenerál Lere Anan Timur. [Foto: Santina Lucia da Costa | 20.08.2020]

Reportazen Santina Lucia da Costa

Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur agradese ba nasaun parseiru sira ne’ebe kria kooperasaun ho militar, hodi kontinua ajuda kapasita rekursu humanu no dezenvolvimentu infranstrutura iha instituisaun FALINTIL-FDTL nian.

“Kapasita nafatin ita nia rekursu humanu, serbisu hamutuk ho ita nia parseiru internasionais sira, hodi fo formasaun no treinamentu ba ita nia efetivu sira, ita agradese pais belun sira hanesan Estadus Unidus Amerika, Portugal, Australia, Indonezia, Nova Zelandia, Malazia, Xina no Japaun, ne’ebe ohin loron apoiu formasaun no kapasitasaun ita nia efetivu F-FDTL.” Hateten Majór Jenerál Lere Anan Timur iha ambitu komemora FALINTIL-FDTL iha Kuartél-Jeneral, Fatuhada, Dili, loron, Kinta-feira, 20/08.

Lere dehan kona-ba infranstruturas, ita agradese ba Australia ne’ebe apoiu harii instalasoens espesialidade engeneria nian, ba formasaun lian Ingles iha Metinaru, ita agradese nafatin Republika Popular Xina, ba konstrusaun edifisiu kuartel jeneral no Bairro Militar iha Metinaro.

“Ita presiza meius ba profesionalizasaun forsas armadas nian, liu besik tinan-20 ona meius ne’ebe ohin loron forsas armadas iha la rekompensa ba sira nia esforsu no preparasaun. Dezenvolvimentu meius materiais presiza duni ida ne’e” hateten Majór Jenerál Lere Anan Timur.

Lere afirma Timor-Leste nu’udar nasaun joven ho forsa armadas ne’ebe sei joven, hakarak atu iha relasaun di’ak ho nasaun hotu-hotu, liu-liu ho nasaun vizinho Indonezia no Australia.

Komandu F-FDTL informa Komemora loron moris FALINTIL nian ba dala-45, loron ne’ebe importante wainhira lideransa FRETILIN hahu marka ho insurreisaunaArmada Aisirimou, Aileu, iha loron 15 Agostu 1975, hahu husi ne’eba mak FALINTIL simu misaun nu’udar liman kroat povu maubere nian, hodi luta no defende direitu ba auto-determinasaun.

Lere konfesa katak espiritu FALINTIL nian moris nafatin to’o ohin loron, F-FDTL ne’ebe luta ho komprimisiu, tane metin independensia no soberania nasional ne’ebe manan ho ruin no raan, no ba oin serbi nafatin interese povu no nasaun nian.

Lere rekonnese katak hahu husi loron FALINTIL nakfilak-an ba Forsa Defeza Timor-Leste iha 2002 to’o ohin loron,  iha duni dezenvolvimentu satisfatoriu iha setor hotu-hotu, maske hasoru difikuldades barak.

Nia esplika iha rekursu humanus tan impase politiku, ita labele kumpri tinan ida ne’e planu estratejiku tuir kadernu 2020, ne’ebe efetivu F-FDTL lolos to’o ona 3600, maibe governu halo esforsu hotu-hotu, atu liu tiha impase politiku ne’e halo kompletu, nune’e F-FDTL bele kumpri didi’ak ninia knaar tuir Konstituisaun haruka, ba garante independensia nasional, integridade teritorial, liberdade no garante mos populasaun ninia seguransa.

Lere mos hateten F-FDTL ho ninia engeneria fo ona apoiu ba nasaun iha tempu hotu-hotu, iha tempu paz nian Engeneria F-FDTL SEPI hodi infreita kalamidades naturais, Engeneria kompleita no kultura hanesan fasilidades saude  nian ba kuarentena no izolamentu atu simu pasiente COVID-19.

Print Friendly, PDF & Email

LEAVE A REPLY

Please enter your comment!
Please enter your name here