Home Notisia Lista Veteranu Falsu 500 resin submete ona Ba MP, Meta Malik: Kontinua...

Lista Veteranu Falsu 500 resin submete ona Ba MP, Meta Malik: Kontinua Identifika

895
0
MACLN Julio Sarmento da Costa “Meta Malik”. [Foto: David da Costa Gusmao | 20.08.2020]

“Ami sei orienta hodi kontinua identifika lista veteranu no matrir ne’ebe sidadun balun hakarak halo falsifikasaun, hodi hetan ona pensaun vitalisia husi estadu, atu nune’e bele detekta lalais hodi bele submete ba lei”. Meta Malik

Ministru ba Asuntu Kombantente Liberatasun Nasonál (MACLN) aprezenta ona ka haruka lista naran falsu veteranus hamutuk nai’in 500 resin, submete ona ba iha Ministeru Públiku (MP) hodi halo prosesa tuir lei ne’ebe vigor.

Ministru ba Asuntu Kombantente Liberatasun Nasonál (MACLN),  Julio Sarmento  da Costa “Meta Mali” hateten lista veteranu  martir  falsu ne’e deskonfia iha indísiu benfisiariu sira, halo flasifikasaun ba dokumentu hodi sai veteranu no martir hodi bele hetan pensaun husi estadu.

“Husi lista naran sira ne’e ami simu keixa mai husi veteranos no komunidade balun dezde tinan 2012 to’o mai agora hamutuk ema nain 500 resin, ne’ebe ami haruka ona ba iha Ministeru Publiku hodi prosesa tuir lei”, MinistruJulio informa bainhira remata serimonia aniversario FALINTIL ba dala-45 iha kuarter geral Fatuhada, 20/08.

Nia dehan kona-ba prosesu sira ne’ebe haruka ba Ministeru Publiku, hira mak aprezenta ona ba Tribunál no iha ona dezisaun. Sira nia parte ladun hatene tanba la’os kompetensia MACLN no Ministeru ba Asuntu Kombantente Liberatasun Nasonál (MACLN) haruka deit lista naran ne’e.

“Ami sei orienta hodi kontinua identifika lista veteranu no matrir ne’ebe sidadun balun hakarak halo falsifikasaun, hodi hetan ona pensaun vitalisia husi estadu, atu nune’e bele detekta lalais hodi bele submete ba lei”, nia subliña.

Nia hateten governo rasik simu ona lista husi konsellu veternau iha Timor-Leste iha primeru etapa hamutuk nain 75.00 no registu daruak hamutuk nain 124.600  iha teritoriu Timor laran.

Nia hatutan husi numeru ne’e foin verfika nain 14.400 tanba kestaun orsamentu foin lalais sumba, entaun labele kontinua no hodi hein Orsamentu Jeral Estadu (OJE) 2021 aprova mak bele kontinua fali halo verifikasaun.

Dadus husi Ministeru ba Asuntu Kombantente Liberatasun Nasonál (MACLN) dadun ne’e rejistu benfisiariu veteranu no matrir hamutuk  27.000.

LEAVE A REPLY

Please enter your comment!
Please enter your name here