Home Notisia Uma Kain Simu Subsidiu Iha Lautem Total 17.116 ho Orsamentu $3,423.200, Deposita...

Uma Kain Simu Subsidiu Iha Lautem Total 17.116 ho Orsamentu $3,423.200, Deposita Fali $271.200

208
0
Grafik konaba pagamentu subsidiu iha Lautem. [Foto: Fontes husi CSSM -LAUTÉM | 24.06.2020]

Reportazen Zevonia Vieira

Prosesu pagamentu subsidiu apoiu monetariu ba uma kain iha Muncipiu Lautem lao ho susesu. Liu hosi entrevista ho Diretor Sentru Solidariedade Sosial Munisipiu Lautem, Paulo da Silva Pinto ba Neon Metin via messenger esplika katak pagamentu lao ho susesu, tanba iha koordenasaun diak husi ekipa Nasionál Ministeriu Solidariedade Sosial no Inkluzaun (MSSI), Centro de Solidariedade Social Município Lautém no Lideransa Autoridade Munisipal Lautém ho nia estrutura tomak to’o Aldeia Suco no Posto Administrativo sira.

Diretor Paulo rekonnese iha failansu balun hanesan ema sira ne’ebe naran la sai, ho nune’e sira hatoo iha meza pagamentu hodi halo reklamasaun.

“Failansu seluk mak akolhamentu dadus Agregadus Familiares pagamentu, ita uza sistema online uza tablet, entaun difikulta hánesan iha área remotas, sira nebe mak laiha linha internet, entaun atraza dadus, submete online mai server nasionál. Failansu ida tan mak formasun tablet ba ekipa pagamentu, nia tempu limita tebes entaun difikulta tekniku sira, wainhira iha terenu maibé ba loron primeiro deit, loron tuir mai hotu-hotu lao diak, tamba hetan akompanhamentu pesoal, husi estatística nian hodi ultrapasa situasaun hirak nebe mak akontese iha terenu”, hateten Diretor Paulo, via messenger, 24/06.

Sumariu rezultadu iha municipiu Lautem hatudu katak total uma kain aprovadu hamutuk 18.472, Total orsamentu aprovadu total $3,694,400.00. Total uma kain ne’ebe mak selu ona hamutuk 17,116 ho nia total orsamentu nebe selu hamutuk $3,423,200.00.

Total uma kain ne’ebe mak la selu hamutuk 1,356 ho nia balansu orsamentu $271,200.00. Tuir informasaun hosi ekipa katak uma kain hirak ne’ebe la simu, tanba laiha justifikasaun, naran doubro, balun simu ona iha fatin seluk ka municipiu seluk no balun iha Englatera no Irlandia.

Persentagem pagamento Apoiu Agregadu Familiar nível munisipiu Lautém, ezekuta ona 93% no lá ezekuta 7%. Total Uma kain aprezenta “Ficha família no Kartaun Eleitoral hamutuk 13,984. Total uma kain aprezenta deklarasaun dokumentu lakon hamutuk 802, reprezentante husi membru familia hodi simu subsídiu hamutuk 2,420. Total reklamasaun uma kain nebe la sai iha lista editais hamutuk 348 no total reklamasaun ba uma kain nebe foin aprezenta dokumentus iha tempu pagamentu hamutuk 615.

Pagamentu ne’ebe fahe iha suku hamutuk 34, ne’ebe mai hosi postu administrative 5 hanesan Lautem, Lospalos, Tutuala, Iliomar no Luro. Balansu orsamentu hamutuk $271,200.00 neebe deposita fali ba Banku Sukursal BNCTL Lospalos, hosi total uma kain 1,356 ne’ebe mak la selu.

LEAVE A REPLY

Please enter your comment!
Please enter your name here