Reportajen David da Costa
United Nation International Children Fund (UNICEF-Sigla Ingles) ho governu Japan sei kontinua suporta governu Timor-Leste nia servisu, hodi bele alkansa ba progresu labarik sira iha Timor-Leste.
Reprezentante UNICEF iha Timor-Leste, Bilal Durrani hatete labarik sira iha Timor-Leste kuaze metade maka hetan moris iha liña pobreza. Kauza metade ne’e husi labarik iha Timor ras badak. Iha 63% tinan lima mai karik hetan anemia.
Maibe iha tempu hanesan ita boot sira iha reziliensia no paixaun hanesan ita nia katuas sira (aman sira), ne’ebé funu konaba nasaun ne’e nia restaurasaun indepedensia. No imi nia Prezidente prioritiza ona imi labarik sira iha Timor-Leste hanesan nia prioridade aas-liu,” dehan Reprezentante UNICEF Bilal Durrani iha nia diskursu iha CCD merkadu Lama, Kinta 16/02.
Nia haktuir Prezidente Republika, Dr.José Ramos-Horta define ona nia Vizaun hanesan “Timor-Leste ida ne’ebe mak la iha labarik ida mate hafoin moris mai, no labarik ida-idak saudável, nutrida diak , aprende no seguru.
“Tamba ne’e, hau iha esperansa katak buat-ruma sei muda ba imi,”nia esperansa
Iha iban ida ne’e mós UNICEF husu ba lider aktual sira hotu no sira hotu mak aspira hodi partisipa iha eleisaun mai ne’e atu tau asuntu direitu labarik nudar asuntu sentral ba iha sira-nia manifesto sira no konkretiza promesa sira wainhira eleitu.
“Hau promote katak UNICEF ho nia parseiru sira, hanesan Governu Japaun, sei kontinua suporta Governu Timor-Leste nia servisu hodi alkansa progresu ba labarik sira iha Timor-Leste. Ami sei la deskansa to’o labarik sira hotu iha Timor-Leste, goza ona sira nia direitu hotu,” nia esplika
Mas iha fatin hanesan embaixadór Jepan iha Timor-Leste Kimura Tetsuya, hateten, iha Timor-Leste jepan servisu hamutuk ho Governu Timor-Leste hodi apoiu iha edukasaun atulamente iha censia Matematik nomós fasilidade eskola nian ba eskola sira hotu.
“Ami iha komprimisiu atu servisu hamutuk ho Governu Timor-Leste, ho intensaun atu kria sosedade ida ne’ebé seguru no kriasaun futuru ne’eb’e diak iha pais ida ne’e,” nia dehan
Iha sorin seluk Prezidente Republika José ramos-Horta husu ba iha nasaun sira hotu, atu apoiu ba Timor-Leste karik liu husi UNICEF, WPF no NGO sira, labele apoiu ba iha programa governu tanba Governu iha ona orsamentu boot, maibé laiha kapasidade hodi halo ezekusaun.
“Hau apelu ba iha parseiru Internasional hotu, hahu husi Autralia to’o termina Z, favor lalika tau osan ba programa governu nian, tanba governu osramentu boot ona, laiha kapasidade ezekuta. Entaun haree estratejia ida direitamente liuhusi parseiru sira hanesan UNICEF no NGO,” Nia apelu.
