Home Notisia Ministru Negósiu Estranjeiru Kooperasaun Xina To’o Ona Timor Ho Aviaun Air Xina

Ministru Negósiu Estranjeiru Kooperasaun Xina To’o Ona Timor Ho Aviaun Air Xina

316
0
Konselleiru Estadu Ka Ministru Negósiu Estranjeiru no Kooperasaun Repúblika Popular Xina, Wang Yi to'o ona TL. [Foto: David | 03.06.2022]

Reportajen David da Costa Gusmao

Wang Yi sei la halo entrevista ho jornalsiat sira durante nia visita iha Timor-Leste, tanba tanba lakohi atu halo kontaktu besik ho ema, Tanba agora iha Hela situasaun Covid-19.

Konselleiru Estadu Ka Ministru Negósiu Estranjeiru no Kooperasaun Repúblika Popular  Xina, Wang Yi ohin to’o ona iha Aeroportu Internasionál Prezidente Nicolao Lobato Comoro Dili,  iha tuku 15:50 ho  aviaun Air China-Aircraft B737-700BBJ, simu direita hosi Vise Ministru Negosiu Estranjeiru no Kooperasaun (MNEK) Timor-Leste, Julião da Silva.

Ministériu Negosiu Estranjeiru no Kooperasaun (MNEK), Adeliza Magno informa vizita ida ne’e sei haforsa liután relasaun bilaterál entre Timor-Leste ho Xina ne’ebé eziste ona no kobre ba kooperasaun iha areas oioin. Rai-rua ne’e nia relasaun metin tebes durante tinan-20 nia laran.

“Hau haksolok tebes hodi simu Ministru Wang Yi mai Timor-Leste no hakarak tebes atu diskute asuntu bilaterál no multilaterál ba interese mútua hodi haforsa liutan ita-nia kooperasaun,” hatete Ministra MNEK Magno, iha komunikadu Imprensa  ne’ebe Neon Metin asesu iha Sexta 3/06.

Nune’e mós, tuir ajenda MNEK nian ne’ebe Neon Metin asesu, Prezensa Ministru Negosiu Estrangeiro Repúblika popular  Xina iha Timor-leste sei selebra mós Assinatura Memorando de entendememtu entre Governo Timor-Leste iha Área ne’en.

Akordu ne’ebe atu asina relasiona ho akordu Transporte Sivil Aero, Ekonómika no Kooperasaun Tékniku, Protokolu iha área saúde, Lisensa ba tranzmisaun iha RTTL, Troka Notas ba segunda faze ba DTMB-A Demonstration Projetu, no MoU ba Kooperasaun Agrikultura entre provínsia Hunan Xina ho Timor-Leste Liliu iha Munisipiu Manatutu.

Alende ne’e mós Ministru Negosiu Estrangeiru Repúblika Popular  Xina sei hasoru malu ho lider nasional na’in ha’at.

Lider Nasional nain ha’at ne’ebe maka Ministru Negósiu Estranjeiru Repúblika Popular Xina  atu hasoru  maka,  Líder Karismatiku Kayrala Xanana Gusmão, iha Edifisiu G7+, Sekretariu jeral Partidu FRETILIN, Mari Bin Amudi Alkatiri, iha Edifisiu Komite Sentral Fretilin Komoro (CCF), Atual Primeiru Ministru (PM), Taur Matan Ruak iha Palasiu Governu no Prezidente Republika (PR) Jose Manuel Ramos Horta, Iha Palasiu Prezidensialál Aitarak laran.

Nune’e, iha informasaun hosi MNEK Timor, durante prezensa Ministru Negósiu Estranjeiru Repúblika Popular Xina ne’e, sei hasoru malu ho líder sira, lá fo espasu ba Jornalista sira atu halo entrevista ho MNEK Xina Wang Yi, tanba lakohi atu halo kontaktu besik ho ema, Tanba agora iha Hela situasaun Covid-19.

Enkuantu Konselleiru Estadu no Ministru Negósius Estranjeiru Repúblika Populár Xina,  Wang Yi, durante loron-rua iha Timor-Leste, hahú husi loron 3 to’o 4 Juñu 2022.

Print Friendly, PDF & Email

LEAVE A REPLY

Please enter your comment!
Please enter your name here