Home Notisia JFP-ADDD Fó Apoiu Ba Xanana no Horta Iha Eleisaun Prezidensiál no Lejizlativa

JFP-ADDD Fó Apoiu Ba Xanana no Horta Iha Eleisaun Prezidensiál no Lejizlativa

370
0
Organizasaun Junta Forsa Polítika, Aliadu Defende Direitu Demokrátiku (JFP-ADDD). [Foto: Joselina | 14.01.2022]

Reportajen Joselina dos Santos

Organizasaun Junta Forsa Polítika, Aliadu Defende Direitu Demokrátiku (JFP-ADDD) hodi apoiu Xanana no Ramos Horta (XA-RA), marka prezensa hodi halibur hamutuk, ho povu doben Timor-Leste, fó apoiu ba Xanana Gusmão no Dr. Jóse Ramos Horta ba elisaun Prezidensiál 2022  no eleisaun Lejislatva 2023.

Iha konferensia imprensa ne’e, Porta Voz JFP-ADDD, Cornelio Barros hateten, sira harii no halibur-an iha Junta Forsa Polítika, Aliadu Defende Direitu Demokratiku JFP-ADDD, mai husi 12 Munisípiu  inklui Rejiaun Espesiál Oe-cusse Ambeno (RAEOA),  halo atividade JFP-ADDD nu’udar organizasaun legal iha Timor-Leste.

“Ami nu’udar fileira no familia boot husi organizasaun Junta Forsa Polítika, Aliadu Defende Direitu Demokrátiku  (JFP-ADDD)  deklara no konfirma fó apoiu no fó vitoria ba determinante hakarak lori dunik maun boot Xanana Gusmão no Dr. Jóse Ramor Horta, ba Palásiu Prezidénsial Aitarak laran, no Palásiu do Governu iha Eleisaun Prezidénsial 2022 iha eleisaun Lejislatíva tinan 2023 nian,” dehan Porta Voz JFP-ADDD iha konferénsia imprensa iha Salaun Katedral, 14/01.

Nia dehan JFP-ADDD harii ho sira nia konxiénsia moral no halo tuir sira nia dever nu’udar sidadaun responsavél, patriótika no determinante atu kontinua tane aas valor ukun rasik-an, valor no prinsípiu estadu direitu demokrátiku nian.

“Ami rekoñese katak durante tinan 4 nian laran, ita nia povu no Estadu enfrenta  dezafius ne’ebe signifikativu tebes, no afeita ba funsionamentu normal no servisu Governu Konstituisional sira no minimiza liberdade sidadaun Repúblika Demokrátika Timor-Leste sira,” tenik nia.

Porta Voz ne’e informa ema hotu hatene katak Pandemia Covid-19 ne’ebe rezulta desizaun Serka Sanitaria no Konfinamentu Obrigatoriu, limite no halo distribuisaun ba lala’ok no sirkulasaun ekonomia lokal no hamate ema nia vontade no kreximentu ekonomia povu no hamosu pobreza iha nivél komunidade no sidadaun sira, antes Pandemia Covid-19 depende sira nia moris husi sirkulasaun ekonomia baze no subsisténsia.

Print Friendly, PDF & Email

LEAVE A REPLY

Please enter your comment!
Please enter your name here