Home EduTek Estudante Timor Oan Halo Estudu Iha Indonesia Hasoru Komisaun G Parlamentu

Estudante Timor Oan Halo Estudu Iha Indonesia Hasoru Komisaun G Parlamentu

1105
0
reprezentante estudante eskola iha Indonesia iha PN. [Foto: Francisco JDA | 29.04.2021]

Reportazen Francisco JDA

Resprezentante Estudante ne’ebé hala’o estudu iha Indonézia 200 resin, ne’ebé agora dadauk iha hela Timor-Leste, ohin hasoru Parlamentu Nasionál (PN) liu hosi Comisaun G, ne’ebé trata asuntu Edukasaun Sidadania no Cultura, hodi koalia kona ba dokumentus ne’ebé mate ona, hodi prejudika sira atu fila ba Indonézia hala’o fila fali sira nia estudu hanesan graduasaun, estajiu no peskiza nune’e husu apoiu pa PN atu fasilita prosesu dokumentu nune’e sira bele fila ba Indonézia.

Tuir Porta Voz Estudante hosi Indonézia iha Timor, Jonito da Silva ba jornalista sira hateten, problema ne’e seriu tebes, tanba dokumentus mate atu fila ba Indonézia labele, tanba ne’e husu apoio ba PN atu bele halo negosiasaun ho Indonézia, nune’e bele fasilita estudante sira, hodi aprende no peskiza iha Indonezia.

“Ami husu para problema ida ne’e tau atensaun imediata, hodi halo komunikasaun diplomasia ida ho Indonézia, atu bele normaliza fali prosesu trata ijin belajar no mós atu estudante Timor oan, ne’ebé dadaun ne’e iha Timor-Leste  bele  fila ba Indonézia, nune’e  halao fila fali estudu hanesan estajiu, gradua no peskiza,” hateten Jonito da Silva iha PN, 29/04

Ho situasaun ne’e jornalista sira konfirma ho Prezidente Komisaun G, António Verdial informa katak, ho asuntu ne’e sei hato’o ba Ministeriu Ensino Superior Siénsia no Kultura nune’e bele trata  ho dignu

“Iha situasaun ne’e ho dalan oin-oin, maibé ha’u atu hatete katak, dalaruma ita hanoin tenki bolu Ministru mai iha ne’e, maibé ita presiza tau asuntu ne’e iha situasaun ho koordenasaun, kolaborasaun, kooperasaun no komunikasaun nune’e komisaun G sei halo no fiar VIII governu konstitusionál liuliu ba Ministeriu Ensino Superior Siénsia no Kultura, sira iha kbiit tomak atu trata asuntu ne’e ho dignu” hateten Presidente Comisaun G, Atonio Verdial

António Verdial dehan serbisu hotu ne’ebé mak atu alkansa, nia objetivu atu atinji ida ne’e mak presiza taktika admistrativas no operasionais, nune’e relasaun kedas ho serbisu Ministeriu sira no adidu sira ne’ebé iha rai liur.

Print Friendly, PDF & Email

LEAVE A REPLY

Please enter your comment!
Please enter your name here