Home Notisia Lalenok United Sei Paritisipa Iha Taxa AFC, SEJD Buka Solusaun Ba Asuntu...

Lalenok United Sei Paritisipa Iha Taxa AFC, SEJD Buka Solusaun Ba Asuntu Finanseiru

216
0
Lalenok Unidet FC hasoru malu ho SJED. [Foto: Ricky | 05.02.2021]

Reportazen Ricky Samlelo

Klubu Lalenok Unidet hasoru malu ho Sekretariu Estadu Juventude no Desportu (SEJD) hodi hatoo preokupasaun relasiona ho tax Asian Football Championship (AFC) ne’ebe sei realiza iha fulan Abril 2021

Iha  sorumutu ne’e Sekretariu Estadu Juventude no Desportu, Abrão Saldanha hateten SEJD simu Lalenok United FC nia prezensa, hodi rona sira nia preokupasaun hotu, relasiona ho partisipasaun Lalenok United FC nian iha taxa Asian Football Championship (AFC) no SEJD promote maske situasaun pandemia, maibe sira sei koopera hamutuk ho Federasaun Futebol Timor-Leste buka solusaun, tamba Lalenok nia prezensa mos sei fo orgullu ba Timor.

“Ohin loron ami simu lalenok nia prezensa iha ne’e hodi rona sira nia preokupasaun tamba Lalenok sei reprezenta klubu hotu iha Timor partisipa iha taxa AFC , sira iha problema ida ho finanseiru tamba ita hotu tenki hatene katak ita nia problema pandemia ne’e afeita ba atividade ekonomika barak la halimar, inklui klubu sira mos iha problema ho finanseiru”, dehan Sekretariu Estadu Abrao iha salaun enkontru SEJD, 05/02.

Abrao dehan sira hanesan reprezenta Timor, ne’e hanesan orgullu Timor nian ida ne’ebe bele hahu tama ona iha taxa AFC, “ami sei tu’ur hamutuk ho Federasaun Futebol de Timor-Leste (FFTL),  hodi buka solusaun ba Lalenok United FC nia problema hodi sira reprezenta dunik ita nia rain ba joga iha taxa AFC”.

Entertantu Prezidente klubu Lalenok United FC, Pedro Belo informa ba jornalista Neon Metin katak, parte jerente klubu hasoru malu ho Sekretariu estadu Juventude no Desportu, hodi relata informasaun no hato’o preokupasaun balun ne’ebe mak nesesariamente, hodi Lalenok United FC partisipa iha Asian Football Championships (AFC) ne’ebe tuir Kalendariu sei joga kontra klubu Cambodia nian Visakha FC iha 28 Abril 2021.

Pedro Belo optimista katak Lalenok United FC sei hatudu prestasaun ne’ebe diak, tamba hare’e ba esperensia tinan kotuk derota ho PSM Makasar klubu gigante Indonezia. Prezidente ne’e mos garante oras ne’e dadaun Lalenok hetan reforsa husi jogador kualidade sira husi parte lokal no estranjeiru.

“Lalenok United FC nia partisipasaun ba iha taxa AFC dala rua ona, Tinan kotuk sai hanesan experensia ida ba Lalenok United FC tamba derota ho agregat 7-2 husi klubu gigante Indonesia PSM Makasar, husi experensia sira ne’e mak oras ne’e dadaun Lalenok United prepara ona ami nia rekursu  parte jogador nian, ita hatene katak jogador lokal sira ne’ebe mak reforsa Lalenok United mesak kualidade deit, Nune’e mos jogador internasional sira ne’ebe mak oras ne’e dadaun ami balun kontrata ona I balun sei iha prosesu negosiasaun hela mesak ho skill no esperensia joga diak teb-tebes. Hanesan ami nia jogador Antes ne’ebe reforsa Lalekon United iha epoka 2018 to 2019 Brazileiru Italo Pimenta, jogador Ghana 2 no mos jogador rua ne’ebe sei mai iha tempu badak”,  dehan Pedro Belo

Print Friendly, PDF & Email

LEAVE A REPLY

Please enter your comment!
Please enter your name here