Home EduTek ESTV Aileu To’o Ohin Loron Seidauk Uza Kaderneta Prienxe Valor Estudante nian

ESTV Aileu To’o Ohin Loron Seidauk Uza Kaderneta Prienxe Valor Estudante nian

176
0
dehan Diretór Eskola Sekundaria Tekniku Vokasional (ESTV) Luciano de Araújo. [Foto: Santina Lucia da Costa | 15.07.2021]

Reportajen Santina Lucia da Costa

Diretór Eskola Sekundáriu Tékniku Vokasionál (ESTV), Munisípiu Aileu Postu Administrativu Aileu Vila, suku Aisirimou preokupa tanba to’o oras ne’e eskola refere, seidauk asesu hodi utiliza kaderneta no sei uza nafatin surat tahan hodi prienxe estudante sira  nia valor.

 “Hau husu ba Ministeriu Edukasaun Juventude no Desportu (MEJD) para produz lalais ona kaderneta ne’e, tanba tinan hira ona ESTV la hetan kaderneta, ami sei uza hela surat tahan hodi prienxe estudante sira nia valór,” dehan Diretór Eskola Sekundaria Tekniku Vokasional (ESTV) Luciano de Araújo, ba jornalista sira  iha ESTV, Suku Aisirimou Munisipiu Aileu, 14/07.

Diretór ESTK haktuir eskola ne’e harii iha tinan 2007 to’o agora seidauk iha reabilitasaun, seidauk iha konstrusaun, iha ne’e eskola tornu rua, entaun difikulta ba professor sira, tanba profesór sira hela do’ok husi eskola no laiha tan transporte.

“Agora daudaun ami hein hela, tanba horibainhira husi komisaun G Parlamentu Nasionál rasik hatete ona ami sei hetan konstrusaun balun. Nu’udar diretór ezije nafatin katak, kontrasaun dezenvolvimentu ne’e tenke tama lalais ona, tenke iha tinan ida ne’e nia laran,” tenik Luciano de Araújo.

Nia dehan eskola tornu rua, tornu ida iha dadeer tama oras 8:00 sai 12:45 no tornu seluk tama oras 13:00 sai 17:45, sala de aula hamutuk 8 de’it, nunee la to’o, tanba departamentu informátika ne’e estudante barak tebes.

Eskola Tekniku Vokasional(ETV) harii iha 2007 to’o agora seidauk reabilita, no antes ne’e  estudante iha ETV hamutuk 301, professor sira hamutuk 21, inklui kontratadu na’in 6, feto 2 mane 4, voluntariu na’in 6, feto 2 mane 4, professor permanente feto 5 mane 11, kompostu husi departamentu haat hanesan komérsiu, informátika, agríkola, no kontabilidade.

Print Friendly, PDF & Email

LEAVE A REPLY

Please enter your comment!
Please enter your name here