Home EduTek Estudante ESTV Aileu Pratika Kuda Modo no Fa’an Iha Merkadu, Luciano: Osan...

Estudante ESTV Aileu Pratika Kuda Modo no Fa’an Iha Merkadu, Luciano: Osan Ba Estudante

351
0
Estudante ESTV Aileu. [Foto: Santina | 15.07.2021]

Reportajen Santina Lucia da Costa

Sekretáriu Estadu Juventude no Desportu (SEJD), Abrão Saldanha Nokosiku vizita Eskola Sekundária Tekniku Vokasionál (ESTV) fó apresiasaun no enkoraja estudante sira kontinua estuda, badinas hodi fó solusaun ba sira nia moris.

Iha vizita ne’e Sekretáriu Estadu Juventude no Desportu (SEJD), Abrão Saldanha Nokosiku hateten, eskola ida ne’e iha pratika, nune’e dudu no estimula ita nia joven sira oinsá bele komprende serbisu agrikultura no ninia vantajen ekonómiku no vantajen ba sira nia moris aban bainrua.

Abrão Saldanha Nokosiku hatutan prodúz atu bele dezenvolvimentu ita nia rain no liuliu dezenvolvimentu rekursu umanus, ajuda ita nia estudante sira atu hatene di’ak liu tan kampu ida area agrikultura.

“Preokupasaun ne’ebé Diretór ESTV hato’o ami sei rejista, depois Ministériu Edukasaun Juventude no Desportu (MEJD), hau bele hato’o preokupasaun ne’e ba sira, los duni iha planu asaun ne’e mós aumenta sala de aula ba eskola ida ne’e, hein katak prosesu iha nasionál bele la’o lalais, para bele implementa iha tinan ida ne’e”, hateten Abrão Saldanha Nokosiku ba Jornalista iha ESTV Aissirimou, Munisipiu Aileu, 14/7.

SEJD enkoraja estudante sira bele kontinua estuda didi’ak, badinas atu bele fó solusaun ba problema ne’ebé ita nia rain iha, liuliu ba ita boot sira nia moris no ba ita nia rain tomak nia moris di’ak.

“Hau kontente tebes rona estudante sira halo atividade sira ne’e hanesan aulas pratikas, hein katak eskola ida ne’e bele sai ezemplu fila-fali ba eskola seluk, aprende halo produsaun, sira bele hatene produz duni pelu menus sira han, depois fa’an tan ida ne’e maka ha’u rejistu pozitivu husi eskola ida ne’e, hein katak bele di’ak liu tan, bele iha benefísiu di’ak liu tan.” Dehan, Abrão Saldanha.

Iha fatin hanesan, Diretór Eskola Sekundária Tékniku Vokasionál (ESTV), Luciano de Araújo, hateten dadersan sira tenki mai sedu, hodi haree sira nia ai-horis, kantadeiru, viveiru sira, depois sira rega hotu, iha oras 8:00 sira hotu tama sala.

Luciano de Araujo dehan modo sira ne’ebé estudante sira kuda mak hanesan broccoli,  moraku no modo sira seluk. Nia dehan modo balu n koleta tiha, sori lori ba merkadu hodi faan, NGO balun mai sosa  

 “Koileta kada semana ida, ami hetan rendimentu maka boot liu maka $50 dollar, osan sira ne’e ami la halo buat ida, ne’e entrega ba estudantes. Sira tau hanesan kooperativa ida empresta (simpang pinjam), bele mós fó professor empresta depois entrega fila-fali ho ninia funan ka lukru tenke iha, para sira bele tau iha sira nia kofre to’o estudante sira finalista, sira nia osan duni, distribui hanesan para fahe ba sira no sira lori rasik atu kontinua sira nia estudu,” afirma Diretór ESTV Aissirimou Aileu.

Enkuantu estudante ESTV hamutuk 301, professor  hamutuk 21, inklui mós kontratadu, kontratadu na’in 6, feto 2 mane 4, voluntariu na’in 6, feto 2 mane 4, profesores permanente feto 5 mane 11. ne’ebé kompostu husi departamentu haat, hanesan komersíu, informátika, agrikola, no kontabilidade.

Print Friendly, PDF & Email

LEAVE A REPLY

Please enter your comment!
Please enter your name here