Home Meio Ambiente Membru Parlamentu Preokupa Sidadaun iha Sidade Dili Laiha Konxiénsia Soe Lixu,...

Membru Parlamentu Preokupa Sidadaun iha Sidade Dili Laiha Konxiénsia Soe Lixu, Tenke fó Sansaun

894
0
Lixu plastiku sira ne'ebe soe iha valeta laran. [Foto: copyirgh Faebook | 12.10.2021]

Reportajen Silvino Freitas

Tuir reprezentante povu iha uma-fukun parlamentu nasionál hateten, sidadaun sira iha munisípiu Dili seidauk iha konsénsia atu soe lixu iha nia fatin no la tuir ordem soe lixu nian tanba ne’e presiza fó sasaun ba sidadaun ne’ebé soe lixu arbiru, nune’e mós lixu hanesan akua mamuk no plastiku la’ós lixu ne’ebé prodúz husi natureza maibé husi ema rasik.

Deputadu David Dias ‘Mandati’ hateten, lixu domestiku no komersiál ne’e iha ona orientasaun atu tau iha fatin ne’ebé indikadu ona maibé laiha konsénsia husi sidadaun sira tanba ne’e maka lixu nafatin soe arbiru la tuir ordenamentu ba óras ne’ebé atu saneamentu sira bele ba raut, nune’e mós atu porposiona materiál ba saneamentu sira tanba kuandu iha konkursu ba kompaña sira ne’ebé atu rekolla lixu kompaña sira ne’e tenke iha ona kondisoens fasilidade sira ba rekolla lixu nian la’ós instituisaun estatál mak atu oferese ba sira.

“Buat ida lixu ne’e tama mós iha kestaun lei no orden iha desizaun govenru nian atu labele soe lixu arbiru de’it maibé kuandu soe arbiru tenke fó sansaun, laiha sansaun ema sei soe nafatin tanba ne’e tenke iha artikulasaun iha instituisaun jestaun lixu nian iha Dili laran no polisia tanba polisia maka garante lei no ordem, nune’e presiza lei maka iha ordem” dehan Mandati liuhusi nia intervensaun iha PN, (04/07).

Entretantu deputadu Antonio Calau haforsa tan katak, esforsu tomak ne’ebé governu uluk to’o mai iha dadaun ne’e mak infrenta konsénsia sidadaun sira ne’ebé hela iha munisípiu Dili nian, tanba lixu sira hanesan plastiku no akua ne’e la’ós lixu ne’ebé mai husi natureza nian maibé ne’e hahalok ema nian, tanba ne’e presiza hamutuk hodi ajuda autoridade munisípiu Dili sai husi situasaun ne’e tanba ne’e presiza atensaun sidadaun sira ne’ebé hela iha munisípiu Dili atu bele soe lixu iha nia fatin.

Print Friendly, PDF & Email

LEAVE A REPLY

Please enter your comment!
Please enter your name here