Home Notisia UNDP-AJTL Realiza Formasaun Jurnalismu Siviku, Munkhtuya: Radio Inklusivu Importante

UNDP-AJTL Realiza Formasaun Jurnalismu Siviku, Munkhtuya: Radio Inklusivu Importante

198
0
Residence Cordinator UNDP, Munkhtuya Altangerel no Prezidente AJTL Zevonia Vieira.[Foto: Media AJTL | 14.09.2020]

Reportazen Francisco JDA

United Nation Development Program ( UNDP) ho  Asosiasaun Jornalista Timor Leste ( AJTL) serbisu hamutuk liu hosi projetu Hametin resposta Ba COVID-19 iha nivel nasional no muicipiu, ho nune’e iha loron 14 – 15 Septembru 2020 AJTL realiza formasaun ba Radio Komunidade (RAKOM) neen (6) mak hanesan Radio Povu Viqueque, Atauro, RAEOA, Covataroman Suai, Tokodede Liquisa no Radio Maliana konaba jurnalismu Siviku no Prevensaun COVID-19

Iha loron abertura ba formasaun refere Residence Cordinator UNDP, Munkhtuya Altangerel  iha diskursu hateten katak iha situasaun pandemia Covid-19 nia laran, notisia falsu sira no disinformasaun sira kona ba virus ameasa ekipa sira, ba resposta nasional ba moris tanba risku ameasa ida ne’e, sai boot liu tan iha populasaun sira nia leet, liu ba ema vulneravel no grupu marjinalizadu, ho limita sira nia asesu ba fontes informasaun sira ne’ebe mak konviabel ho nivel edukasaun ne’ebe mak kiik.

“Ho eskenariu ida ne’e responsabilidde hosi media nian importante liu mak atu luta hasoru propaganda notisia falsu sira ne’ebe eziste, estasaun radio komunidade sira bele habelar informasaun ba komunidade sira iha area remotas, uza lingua lokal hodi bele fo sai kestaun sira ne’ebe afeta moris komunidade nian”, hateten Munkhtuya Altangerel Iha Sede AJTL, Fatuhada 14/09

Munkhtuya Altangerel  dehan radio komunidade sira mos bele fo espasu, hodi halo dialogu entre komunidade vulneravel no marjinalizadu ne’ebe la asesu ba informasaun hosi media.

“Hau hakarak enkoraza ita boot sira hotu atu uja oportunoidade ida ne’e, hodi hetan abilidade ne’ebe bele permite ita boot sira, hodi dezenvolve programa radio inklusivu ne’ebe kada membru hosi komunidade senti reprezentante no hetan espasu atu bele koalia ba publiku no mos oportunidade furak ida ne’e bele sai hanesan fahe koinesimentu entre jornalista sira hosi kada municipiu”, hateten Munkhtuya Altangerel  

Nia hatutan UNDP sente orgullu tebes tanba bele serbisu hamutuk dala idatan ho AJTL no espera inisiativa ida ne’e ho radio komunidade sira bele lori oportunidade no kolaborasaun hodi fahe informasaun iha futuru

Iha fatin hanesan Prezidente AJTL, Zevonia Vieira ba jornalista sira hateten papel radio komunidade importante tebes hodi fahe informasaun ne’ebe edukativu no informasa los ba nia komunidade, liu-liu iha situasaun COVID-19.

Nia dehan Radio komunidade nudar media alternativa ne’ebe mak harii hosi komunidade, hamutuk ho komunidade no ba komunidade, tanba ne’e presiza serbisu hamutuk ho komunidade sira hodi fahe informasaun sira ne’ebe mak bele muda ema nia hahalok atu sai komunidade ne’ebe siviku no bele halo prevensaun COVID-19 iha sira nia komunidade.

Formasaun refere sei halo durante loron rua ne’ebe sei fasilita hosi AJTL no planu asaun tuir mai radio komunidade neen sei halo produsaun radio magazine, Public Service Announcment (PSA) no talkshow ka radio talk ne’ebe inklusivu.

Print Friendly, PDF & Email

LEAVE A REPLY

Please enter your comment!
Please enter your name here