Home Notisia Loron Balibó Five, Veteranu Lais: Prontu Apoiu Jornalista Tanba Sai Matan no...

Loron Balibó Five, Veteranu Lais: Prontu Apoiu Jornalista Tanba Sai Matan no Tilun Ba Povu Lian Laek

297
0
Jornalista Neon Metn entrevista Veteranu Lais. [Foto: Joanina | 18.10.2022]

Reportajen Umbelina dos Reis

Komemora loron trajédia Balibó Five ba dala-47  iha Balibó, Veteranu sira iha postu Administrativu Balibó, munsipiu Bobonaru, prontu apoiu jornalista sira tanba sira maka sai matan, tilun no ibun ba povu Lian laek sira.

Veteranu Domingos Doutel Soares “Lais” hato’o sentimentu triste tanba funu jornalista nain 5 mate, sira nain 5 mai hala’o kna’ar ba lia los, no buka informasaun ba dalan rekonsiliasaun nian, maibé tanba funu sira lakon sira nia vida.

 “Ita nia militár ho miliatr Indonesia mak tiru malu, tanba Indonesia mai hanesan kolonialista sira la fô perdua ba ema ida, mai hau pesoalmente iha momentu ne’eba  sente triste tanba jornalista nain 5  mai hala’o kna’ar ba lia los, no buka informasaun ba dalan rekonsiliasaun nian, maibé tanba funu sira nain lima tenke lakon sira nia vida, ” dehan Veterano  “Lais” ba Neon Metin Iha Komemorasaun Loron Balibo Five, iha  Balibo Vila, Domingu 16/10.

Nia haktuir jornalista ho pasiénsia halo misaun solidariedade fraternal ba povu lian laek sira, nune’e ema vulneravel sira sente nasaun nia liberdade, tanba Jornalista mak sai tilun matan ibun ba povu lian laek sira, nune’e  jornalista labele tauk.

“Hau enkoraja ba jornalista sira lori lian los la’o ba oin,  karik instituisaun ida ne’ebé mak fo presaun ba jornalista, ami veteranu prontu halo asaun hasoru sira, ami sempre iha kotuk apoiu jornalista, tanba Jornalista sai  matan tilun ba povu lian laek sira,”nia dehan

Nune’e nia rekomenda ba governu ba loron Balibo Five kada tinan, tenke komemora másimu  hodi nune Jornalista sira husi estranjeiru mos bele mai akompaña, hodi lori istória Timor  ba mundu internasionál.

Print Friendly, PDF & Email

LEAVE A REPLY

Please enter your comment!
Please enter your name here