Home Notisia FRETILIN-PLP: AMP Foun Halo Tentativa Hatun VIII Governu, Duke Apoiu Kombate Covid-19

FRETILIN-PLP: AMP Foun Halo Tentativa Hatun VIII Governu, Duke Apoiu Kombate Covid-19

618
0
Bankada PLP ho FRETILIN halo konferensia imprensa. [Foto: Francisco JDA | 25.03.2020]

Reportazen Francisc JDA

Frente Revolucionária de Timor-Leste Independente [FRETILIN] ho Partidu Libertasaun Popular [PLP] hala’o konferensia imprensa ho objetivu atu hare situasaun politika no alterasaun Lei Jestaun no Finanseira iha Parlamentu Nasional, ho nune’e partidu Congresu Nasional Rekonstruksaun Timorense no Sekretariu Jeral Partidu Demokratiku [PD], halo tentaiva  hasoru poder hatun governu, duke buka dalan fo apoio ba governu atu kombate Covid-19

Xefe Bankada PLP, Francisco Vasconselhos hateten  FRETILIN no PLP atu denunsia tentativa atake ba poder ne’ebe halo hela hosi aliansa foun.

Xefe Bankada PLP hateten porta voz koligasaun foun, Antono da Conceica deklara katak koligasaun foun ne’e hakarak atu Presidente da Republika aseita ona Primeiru Ministru nia pedidu no loke dalan ba formasaun nonu governu, nune’e bele responde Covid-19 no inundasaun ne’ebe akontese dadaun

“Tuir lolos sira nia deputadu sira mai iha PN hodi hola parte iha sesaun plenaria, atu vota ba proposta Lei ida ne’ebe governu hatama mai iha Parlamentu Nasional, atu halo terseira alterasaun ba Lei no 13/2019 , iha 21 Outubru sobre Orsamentu i Jestaun finanseira, em vez de atu vota, maibe sira ba halo fali konferensia imprensa ne’ebe ho intesaun atu hamonu governu ida ne’e, hatudu katak CNRT nia hakarak atu hadau deit poder hosi governu”,  tenik Xefi bankada PLP Francisco Vasconselhos, iha salaun bankada PLP, 25/03.

Xefe Bankada PLP reforsa tan, CNRT interese liu atu hamonu governu iha tempu ne’ebe povu hasoru problema boot no tristeza hanesan Covid-19 no Inundasaun sira. PLP no FRETILIN lamenta koligasaun foun,  CNRT obriga an atu harii seidauk hatudu provas iha PN katak sira iha duni maioria no seidauk priense rekezitus ne’ebe Prezidente da Republika husu.

“CNRT hakarak atu obriga PR, atu demite lalais tiha VIII Governu Konstituisional maske sira hatene hela katak PR halo hela esforso hamutuk ho VIII Governu  buka dalan atu resolve ho adekuadu liu,  hodi asegura ita nia povu no rain hosi ameasa virus Corona nian”, tenik Xefi Bankda PLP Francisco Vasconselhos.

LEAVE A REPLY

Please enter your comment!
Please enter your name here