Reportajen Efren Colo
Konsellu Imprensa (KI) halao planu estratéjia ba tinan 5, liuhusi okaziaun ne’e, Konsellu Imprensa konvida nia parseiru importante sira, hodi realiza retiru nune’e hodi fo ideas hodi prepara planu estratéjiku, ba periodu tinan 5 tuir mai.
“Atividade ne’e kombina buat rua ida retiru fim do ano, no aproveita diskute kedas planu estratéjiku foun , tanba Konsellu Imprensa dezde tinan 2016 planu estratéjiku remata ona iha tinan ida ne’e, entaun tinan oin tenke hahu planu estratéjiku foun, nune’e bele elabora no produs planu estratejiku foun,”hateten Prezidente Konsellu Imprensa, Virgilio da Silva Guterres iha salaun enkontru Maubara Liquisa, 13/12/2021.
Nia hatutan parseiru importante sira husi SECOMS, AJTL, TLPU, UNDP, UNESCO no media nain sira. Prezidente KI dehan liuhusi enkontru ne’e parseiru sira fo apresiasaun no kritika ba programa KI nian, no rekomenda ba KI atu hadia no liu-liu kontribui ba kualidade informasaun ba públiku nian
Iha abertura Sekretariu Estado Komunikasaun Sosial (SEKOMS), Mericio Juvinal dos Reis Akara iha nia diskursu hateten responsabilidade ita hotu nian, hodi buka maneira para tau prioridade ba fasilidade liuliu ekipamentu no rekursu umanu.
Kona-ba planu governu nian liu husi SECOMS, hodi harii institutu profisionál nune’e fó formasaun ba jornalista sira iha Timor-Leste ne’ebé haknaar an iha média, hodi hadia sira nia prestasaun serbisu.
