Home Notisia SEKOMS Sei Dezenvolve Suku Digital Hodi Sidadaun Divulga Informasaun Positivu Hosi Suku

SEKOMS Sei Dezenvolve Suku Digital Hodi Sidadaun Divulga Informasaun Positivu Hosi Suku

646
0
SEKOMS iha seremonia CEFTEC nian. [Foto: Adroaldo | 20.12.2020]

Reportazen Adroaldo ‘Saretukau’

Sekretáriu Estadu Komunikasaun Sosial (SEKOMS) iha vizaun ba oin, atu dezenvolve Suku Digital hodi sidadaun sira rasik divulga informasaun pozitivu iha sira nia suku, liu hosi aproveitamentu ba plataforma digital iha era modernu.

Liu hosi enseramentu ba formasaun Centro Formação Técnica em Comuniacação (CEFTEC) tinan 2020, Sekretáriu Estadu Komunikasaun Sosial, Merício Akarak hato’o setimentu kontente tanba iha formasaun ne’e la’os de’it fo oportunidade ba formandu sira hosi nasional maibé mos sira hosi área rural, ne’ebé CEFTEC rasik oferese ho 3% simu formandu hosi Sentru Formasaun Suku.

Sekretárui Estadu Akara hatutan tanba asuntu refere Ministériu Asuntu Parlamentar no Komunikasaun Sosial (MAPKomS) ho Sekretáriu Estadu Komunikasaun Sosial (SeKomS) iha nia Programa Naroman Suku, ne’ebé suku rasik mak sai autor ba dezina informasuan iha sira nia fatin.

“Iha suku ualu ne’ebé ita foti sai sentru informasaun iha teritóriu tomak, espera ida ne’e ita sei kontinua ba oin, maibé ita hakarak sentraliza informasaun ba to’o área rurais, duke ita rasik lori informasaun ba, ita fo formasaun ba sira, para sira rasik mak bele dezenvolve informasaun no sai autor dezimina informasaun iha área suku,” hateten Sekretáriu Akara Iha Salaun Apuramentu Nasional CNE, Sesta, 18/12.

Nia dehan iha parte formasaun nian, SeKoms apoiu tanba plataforma digital ita hahú dezenvolve atu oinsá bele divulga informasaun sira liga ho asuntu pozitivu sira iha suku. “Objetivu programa naroman ba suku ne’e atu empodera ita nia joven no sidadaun sira, sai ajente informasaun estadu nian,” hateten Akara.

“Ba oin prosesu ne’e la’o tiha, ita hakarak dezenvolve suku digital, ne’ebé suku sira ita fasilita ho meiu komunikasaun, para sira rasik produs informasaun, bele halo koberuta, depois bele lansa mai iha nasional tuir plataforma digital,” Sekretáriu Estadu Akara haforsa tan.

niahatutan tanba ne’e ita tenki apreveita formasaun Multimedia, liu-liu prepara ita nia sidadaun, ita nia ema uza oportunidade digital, hodi dezenvolve informasaun ho di’ak liu ho efetivu, efisiente, fasil no la hasai kustu boot, “Wainira sira halo video badak ida konabá sira nia suku, poténsia turístiku, fatin istóriku, poténsia kultural ne’e sira divulga bele ajuda estadu no governu atu halo promosaun,” dehan Akara.

Iha parte sorin Diretor Nasional CEFTEC, Luis Evaristo dos Santos Soares hato’o tinan oin CEFTEC sei iha aktividade formasaun iha munisípiu ba preparasaun planu Ministériu nian iha future.

“Tinan oin 2021 CEFTEC sei eleva ni-nia frekuensia no implementasaun aktividade formasaun ba ajente Administrasaun Públiku sira no ofisiais Média Munisípiu sira hotu hodi prepara ba garante no deziminasaun informasaun ba iha área rurais nomos prepara ba planu Ministériu nian ba estabelesimentu Média Munisípiu,” hateten Diretor CEFTEC iha salaun CNE, sesta, 18/12.

Print Friendly, PDF & Email

LEAVE A REPLY

Please enter your comment!
Please enter your name here