Home Analisa Dezenvolvimentu Ekonomika Iha Seitor Agrikultura

Dezenvolvimentu Ekonomika Iha Seitor Agrikultura

938
0
Hakerek nain Jemicarte Moniz dos Reis. [Foto: Dokumentu privadu | 21.12.2020]

Hakerek nain Jemicarte Moniz dos Reis

Dezenvolvimentu setór agrikultura iha Timor-Leste realidade lao bei-beik maibé neneik. Ne’e akontese tanba iha prosesu elaborasaun planeamentu la hare problemas baziku rua importante Premeiru, maioria agrikultor ne’ebé existe iha Timor-Leste hanaran Peasant laos Farmer. Bazeia ba sosiologista ida naran James Scott, hateten, Peasant katak agrikultor  sira ne’ebé uza hela prinsípiu risk minimization no safety first, katakkapasidade produsaun kiik, subsistensia, la iha rai ne’ebé luan, la iha orientasaun ba merkadu no produs la’os buka rendimentu ekonómiku Simplesmente dehan, “kuda ohin para hodi bele han iha aban”. Farmer katak agrikultor sira ne’ebé utiliza prinsípiu profit maximization no market orientation, katak kapasidade produsaun bo’ot, modernu, iha rai ne’ebé luan no produz ho orientasaun merkadu hodi hetan rendimentu ekonómiku bele hasa’e kresimentu ekonomia rai laran.

Dezenvolvimentu ekonomia hanesan pasu importante atu hasa’e povu husi kiak no mukit  liu liu ba nasaun foun sira ne’ebé maka foin hamrik inklui mos Timor Leste, iha ne’e Involvimentu governu hodi bele hadia povu nia moris, tanba atu dezenvolve nasaun foun ho diak mak presiza rekursus humanus hodi bele produs riku soin sira ne’ebé maka iha nasaun ida ne’e. Maibe iha realidade povu Timor Leste sempre hasoru problema limitasaun ne’ebé sempre mosu hela deit hanesan problema sosial, problema jestaun, rekursus, no seluk-seluk tan ne’e ninia impaktu afeta ba dezenvolvimento iha nasaun ne’e rasik. Iha Sorin seluk Konstituisaun Republika Demokratika Timor Leste habadak ho sigla K-RDTL artigu 6 objektivo estado nian klauzula (d) naktemi katak Garante dezenvolvimentu ba ekonomia ba progresu siensia no teknika. Signifika katak ekonomia mak hanesan xavi ba dezenvolvimentu nasaun nia ho nune’e presiza hasa’e siensia no teknika hodi hadia ekonomia iha rai laran, Liu husi ekonomia mak estadu bele garantia ba iha dezenvolvimentu ne’ebé maka diak ba nasaun.

Tuir prespektiva pesoal katak populasaun Timor -Leste maioria moris iha vida agrikultura, maibé normalmente kapasidade produsaun agrikultura sei nato’on no laiha rai ne’ebé luan, ba agrikultor sira hodi produs aihan hirak ne’ebé mak atu fó rendimentu ekonomiku, maibé normalmente komunidade sira produs hodi bele konsumu ba lor-loron nian.  Iha Sorin seluk komunidade agrikultor sira sei infreta hela problema hirak hanesan menus material ba utilizasaun hodi halo to’os no natar, material hirak ne’e mak hanesan hand trator, sistema irigasaun ne’ebé atu fornese be’e ba natar no to’os sei menus tebes.

Nune`e atu dezenvolve ekonomia iha nasaun ne’e ho diak maka tenki hare uluk ba iha setór agrikultura tanba setór agrikultura sai hanesan baze prioridade ne’ebé as tebes hodi haforsa ba setór sira seluk hanesan setór ekonomia, setór edukasaun, setór saude no estabilidade nasaun ne’e nian, liu husi hamosu no hametin sustentabilidade ba nesesidade baziku,  liu-liu aihan. Atu hetan Susesu ida ne’e bele haforsa setór ekonomia hanesan hadia gestaun atu jere produsaun agrikultura, hodi hasa’e kresimentu no rendementu uma laran. Ba setór saude mak hasa’e seguransa aihan sei tulun hadiak mós nutrisaun uma kain nian. Setór edukasaun nian mak promove sustentabilidade edukasaun no konservasaun rekursu humanu ida diak. Husi buat ne’ebé maka temi iha leten ne’e maka setór agrikultura sira peresiza tulun husi politika governo hodi hasa’e produsaun ba komunidade atu bele atinji equilibru produtu agrikultura ida sustentavel. Atu haforsa Produsaun iha leten mak hakerek nain presta tan hanoin husi matenek nain ho naran Tuir AmbartadangdalamKarmini: produksi ada dua yaitu produksi primer dan produksi sekunder, pengertian produksi primer adalah suatu benda atau barang yang di hasilkan dari usaha manusia atau kelompok masyarakat yang berhubungan dengan alam,seperti pertanian, perikanan atau bahan menta lainya. Sedankan produksi sekunder adalah suatu barang yang di hasilkan oleh usaha, usaha industri yang berupa barang-barang konsumen yang sederhana sektor tersier, seperti jasa – jasa transport, perdagangan,

Ho problema hirak ne’ebé mensionadu iha leten mak hakerek nain husu ba governu atu halo politika kona ba programa ka strategia hodi hari irigasaun, hodi nune’e bele kanaliza be’e ba natar ne’ebé mak durante abandonado tinan barak, ho aktividade husi komunidade agrikutor sira ho inisiativa atu intensifika produtus agrikultura hodi kore dependensia ai han no redus exportasaun husi nasaun sira seluk.

REKOMENDASAUN BA GOVERNU

  • Haforsa programa Agrikultura nia objektivu atu garante seguransa  produsaun ba populasaun.
  • Kontrolu  sistema distribuisaun produsaun atu garante asesu ne’ebé hanesan no mós haforsa produsaun variadade produtu lokal ne’ebé adekuadu atu alkansa sustentabilidade produsaun ba povu hotu.
  • Kontinua halo estudu ka peskiza kona ba introdusaun ba teknologia foun  ba agrikultura no aumenta treinamentu hodi hasai kuiñesimentu kona ba produsaun iha ita nia rai.
  • Hamosu Politika no Programa dezenvolvimentu ekuitavel no inklusivu ne’ebé aumenta kresimentu ekonomia hodi fo benifisia ba ema kiak no vulneravel sira iha area rural, medida hirak hanesan sei redus dependensia ba rekursu natural limitadu sira.
  • Iha Programa hametin kresimentu sustentavel mos implika ba ambiente no biodiversidade no medidas sira atu prezerva sustentabilidade rekursu natural sira no konsideira iha prosesu dezenvolvimentu sira.
  • Husu ba Governu presiza Diversifika no Moderniza iha Setór agrikultura hodi hasa’e produtividade ekonomia iha Rai laran.

Referensia :

Karmini. 2018. Ekonomi Produksi Pertanian. Mulawarman University Press. Samarinda.

Konstituisaun Republika Demokratika de Timor-Leste (RDTL). Vigor iha Loron 20 de Maio de 2002.

Print Friendly, PDF & Email

LEAVE A REPLY

Please enter your comment!
Please enter your name here