Home Notisia KI Atribui Karteira Profesional, Expedito: Ita Tenke Halao Knaar Ho Profesional

KI Atribui Karteira Profesional, Expedito: Ita Tenke Halao Knaar Ho Profesional

405
0
KI atribui karteira profesional ba jornalista sira. [Foto: Santina Lucia da Costa | 20.12.2020]

Reportazen Santina Lucia da Costa

Konsellu Imprensa (KI) atribui karteira profesional ba jornalista na’in 16 sira ne’ebe halao knaar iha instituisaun media no jornalista sira ne’ebe halao knaar iha tinan barak nia laran

Iha serimonia atribuisaun karteira professional, Prezidente Konsellu Imprensa, Virgilio da Silva Guterres hateten maske ho situasaun difisil, situasaun politika no iha situasaun pandemia COVID-19 Konsellu Imprensa konsege molok tinan 2020 hotu, halo serimonia atribui karteira profisional ba jornalista sira, sai hanesan atividade prinsipal ida ne’ebe lei fó ba Konsellu Imprensa.

Prezidente Konsellu Imprensa afirma tuir planu hahu kedas iha tinan 2017, lolos esforsu masimu Konsellu Imprensa nian maka pelu menus iha tinan ida bele fó atribuisaun karteira profisional dala rua ba jornalista sira, maibe planu labele lao tanba hanesan ita hotu hatene husi 2017 to’o agora ita lao ho orsamentu duodesimu, depois tinan ida ne’e tan pandemia COVID-19.

“Tanba ne’e Konsellu Imprensa haksolok ho situasaun ida ne’e, pelu menus tinan ida ne’e Konsellu Imprensa iha grupu jornalista lubuk oan ida, ne’ebe hetan karteira profesional hafoin sira na’in hira hetan iha inisiu tinan ida ne’e”, hateten Prezidente CI, Virgilio da Silva Guterres iha nia diskursu, iha salaun Delta Nova, loron, 18/15.

Nia esplika ho prosesu ne’ebe mak lao durante ne’e, ita haree katak prosesu estaziu seidauk lao tuir hanesan ideal, katak laos Konsellu Imprensa maka atu fasilita ema atu ba tuir estajiu, ema ne’ebe mak hakarak tama  jornalista,  maka tenke ba dere orgaun komunikasaun sosial ka meius komunikasaun sosial nia odamatan, atu hato’o pedidu halo estaziu iha ne’eba, to’o agora komunikasaun ho konsellu imprensa ho orgaun komunikasaun sosial sira seidauk hetan konsensus, tanba lei hateten katak ema ne’ebe ba halo estaziu tenke hetan salariu, katak ema ne’e ba halo estajiu maibe hetan salariu labele ki’ik liu salariu minimu nasional.

Virgilio da Silva Guterres dehan Konsellu Imprensa haksolok tanba nota katak, iha kresimentu ida ne’ebe mak maka’as iha plataforma media ninian, plataforma online mosu barak, ba konsellu imprensa sinal di’ak tanba bainhira plataforma sira ne’e mosu barak, ita fó opsaun barak ba ita nia publiku atu bele asesu ba informasaun.

Nia dehan dezafius sira ne’ebe Konsellu Imprensa infrenta maka, oinsa atu enkoraja estadu nia intervensaun hodi fó apoiu ba media potensional sira, liu-liu ita nia jornal diariu no mos jornal sira ne’ebe mak ezisti.

 Iha fatin hanesan Expedito Dias Ximenes, ne’ebe simu mos karteira profesional iha nia diskursu hateten, karteira profesional katak iha dimensaun rua ne’ebe ita tenki haree mak rekonesimentu atribuisaun husi orgaun legal hanesan Konsellu Imprensa, ne’ebe atribui ba jornalista hotu-hotu, no hanesan baze legal ne’ebe professional sira kaer, atu bele hala’o sira nia knaar hanesan jornalista, atu nune’e bele sai hanesan ema ne’ebe hala’o knaar husi media.

“Ami senti katak hanesan jornalista atribuisaun karteira profesional dalabarak ita bele hanoin karteira profesional hanesan aventu ida ne’ebe ita tenke halo, tanba atu priense atividade ne’ebe Konsellu Imprensa halo”, dehan Expedito Dias.

Expedito hatutan iha konteudu ne’ebe importante liu maka, “ita tenki salva guarda, saida mak halo, deklarasaun komprimisu ne’ebe mak ami rasik halo, se ita iha kartaun profisional ita tenki hala’o ita knar hanesan profisional, dalabarak jornalista sira senti hanesan ezkluzivu iha nasaun ida, maibe lolos hanesan sidadaun jornalista mos tenki hakruk ba regras normas lei ne’ebe mak iha”.

Print Friendly, PDF & Email

LEAVE A REPLY

Please enter your comment!
Please enter your name here