Home Notisia Sobrevivente Filipe, Kompozitór Múzika Ho Títulu Obrigadu Ba Max Stahl

Sobrevivente Filipe, Kompozitór Múzika Ho Títulu Obrigadu Ba Max Stahl

1308
0
Sobrevivente masakre 12 Novembru Filipe Rodrigues Pereira. [Foto: Santy | 12.11.2021]

Reportazen David da Costa Gusmao

Sobrevivente masakre 12 Novembru Filipe Rodrigues Pereira nu’udar kompozitór múzika ho títulu Obrigadu ba jornalista Max Stahl, iha ambitu komemorasaun  loron 12 Novembru 1991 ba dala 30, ho tema  Espiritu As’wain 12 Novembru nian, Joven Hanesan Autôr Importante Ba Proteje Timor-Leste husi Covid-19”.

Sobrevivente Filipe hateten koalia konaba 12 Novembru 1991, ema hotu  labele haluha Max Stahl, tanba ho nia dedikasaun no kontribuisaun ho nia profisionál ne’ebé mak iha, hodi halo video ba akontesimentu iha masakre Santa Cruz mak ohin loron mundu tomak hatene Timor, masakre 12 Novembru 1991 ne’e mak Max Stahl la halo video karik, ohin loron ema sei la hatene Timor, no Timor sei laiha sai hanesan ohin loron.

“Ho situasaun maskre Santa Cruz ne’ebé mak akontese ho ida ne’e Max Stahl soe hela nia rai, mai hamutuk fali  ho  ita, halo video hodi naklekar ba mundu tomak, mak ohin loron ita ukun rasik-an. Depois de Max Stahl mate hau nu’udar mate restu sobrevivente ida, saida mak hau tenke oferese  ba Max Stahl entaun hau hanoin ida katak, hau tenke halo muzika ida ba nia, entaun hau hakerek muzika ida ho titlu “Obrigadu ba Max Stahl,”  Filipe dehan  ba jornalista Neon Metin iha CNC Balide, Sesta 12/11.

Nia dehan muzika ho titlu obrigadu ba Max Stahl ne’e halo durante loron tolu, “bainhira hau hakerek muzika ne’e hau tanis, Iha konteúdu muzika ne”e hau hakerek  12 Novembru 1991,  lori masakre Santa Cruz o hadoko mundu tomak o hanesan fitun ida – lakan iha kalohan laran, fanu mundu nia dukur ba Timor – nia libertasaun ami sei la haluha o -iha ami nia jornada da luta ba libertasaun da patria Timor ukun rasik-an”.

“O mak mensajeiru funu Timor nian, o sikat-an iha ami joven lubuk nia let, ho brani hamriik foka funu ida ba lia los ne’ebé husi jerasaun ba jerasaun. O mós sobrevivente ba masakre Santa Cruz, Obrigadu belun diak , Max Stahl, ami hadomi o,  obrigadu no Adeus Max Stahl”.

Print Friendly, PDF & Email

LEAVE A REPLY

Please enter your comment!
Please enter your name here