Home Notisia Pe. Nelson: Juventude Tenke Banati Tuir Espiritu Loriku As’wain Respeita Ukun Na’in...

Pe. Nelson: Juventude Tenke Banati Tuir Espiritu Loriku As’wain Respeita Ukun Na’in Sira

558
0
Familia sobrevivente sira iha komemorasaun 12 Novembru. [Foto: Santy | 12.11.2021]

Reportajen David da Costa Gusmao

Padre Pároku Igreja Motaél,  Nelson da Costa Freitas  dehan juventude Loriku As’wain ho aten brani no respeita malu ne’ebé nakonu espíritu patriotizmu ,hodi fó-an ba mate, atu lori naroman ukun rasik an liuhosi masakre 12 Novembru 1991.

“Juventude loriku as’wain uluk brani no respeitu dór, maibe juventude ohin loron la tauk ema ida, militár no polísia mos la respeita, tanba iha morál no devosaun mak menus. Tanba ne’e, husu ba juventude sira atu banati tuir eroi 12 Novembru hodi respeita ita nia ukun na’in sira,” Padre Nelson dehan bainhira prezide misa ba selebrasaun masakre Santa Cruz ba dala 30, iha Igreja Motaél, Sesta 12/11.

Nia esplika,  uluk juventude loriku As’wain brani duni, tanba laiha arma no kroat ruma, maibé sé nia peitu hasoru kilat too kanek, no lakon vida hodi atinje naroman ukun rasik ka’an mai iha Timor. Juventude loriku As’wain simu orden husi rai laran, rai liúr,  polítika nain sira, ita brani duni hakilar iha momentu neebá, maski laiha forsa no ita hotu neon murak, maibé ita nia fiar, ita nia espíritu patriotizmu hakarak ita nia rain nee tenke hetan ukun rasik ka’an.

Nia dehan atu hetan independénsia ne’e hotu nia esforsu liuhosi frente armada, diplomata, klandestina, Igreja katólika to’o loriku as’wain neebe lori lapizeira, kadernu, tersu no lori imajen haklalak kontra invasaun ne’ebé estraga  povu, la respeitu ema nia dignidade, kontra direitu umanu.

Ho ida ne’e nia husu ema hotu atu iha  hahalok di’ak juventude loriku as’wain ne’ebé uluk luta ba ukun rasik-an la sura sira nia kolen, maibéé sira deit loron laran ho hanoin ida katak  bainhira los mak Timor bele ukun-an.

Padre ne’e husu ba governu atu tenke luta ba moris di’ak povu nian, liuliu haree juventude loriku as’wain barak sei moris iha mukit nia laran, “agora ita selebra ona tinan 30, maibé sobrevivente balun mós sei moris iha mukit nia laran”.

Iha misa selebrasaun  nee partisipa hosi Membru governu balun, autoridade militár no seguransa, família mate restu 12 Novembru nian,  estudante, joven no komunidade sira. Hafoin misa remata, halo kedas marsa ka prosisaun ho rute hahú hosi Igreja Motaél to’o semitériu Santa Cruz-Balide.

Print Friendly, PDF & Email

LEAVE A REPLY

Please enter your comment!
Please enter your name here