Home Saude MS Ohin Distribui Vasina AstraZeneca Ba Municipio 7

MS Ohin Distribui Vasina AstraZeneca Ba Municipio 7

139
0
MS hahu distribui vasina ba municipio. [Foto: David da Costa | 08.04.2021]

Reportazen David da Costa Gusmao*

Ministeriu Saude (MS) ohin distribui ona Vasina COVID-19 AstraZeneca ba muncipiu hitu mak hanesan Ainaro, Baucau, Bobonaru, Covalima, Ermera, Lautem no Liquisa no municipiu sira seluk sei kontinua distribui fali iha aban loron 08/04.

Ministra Saude (MS) no Koordenador liña Ministeriais ba COVID-19, Dra.Odete Maria Freitas Belo hateten, vasina aimoruk AstraZeneca ne’e asaun ikus nia, atu halo prevensaun ba iha surtu COVID-19.

“Ohin ita halo distribui vasina AstraZeneca prevensaun COVID-19 ba iha Municipiu Hitu, no aban sei kontinua halo distribuisaun ba iha municipiu seluk. Vasina ne’e ita sei fo ba ita nia frontline sira, ita nia saude diak, mak ita foin halo atendimentu ba fali ita nia populasaun sira,” dehan Dra. Odete Maria iha Edifisiu SAMES I.P. Kampu Alor, 08/04.

Nia husu ba motorista ne’ebe tula aimoruk ne’e, agora tempu inundasaun, rai monu no estrada aat, kondutor tenke halai neineik hodi bele asegura aimoruk atu bele to’o iha fatin destinadu, Tanba ida ne’e iha ona responsabele motorista sira no akompainantes sira nia liman.

Entertantu iha muncipiu hitu ne’ebe hetan uluk mak husi parte lorosa’e mak Baucau Lautem, rai klaran mak Ainaro, Ermera, ho Covalima, no ba iha  parte Loromonu  mak Bobonaru  ho Liquisa.

Tuir dados SAMES I.P. Ne’ebe Neon Metin asesu katak  doses ne’ebe mak distribui ba iha serbisu saude Municipal  atu atende ba frontline sira mak iha Muncipiu Aileu hetan 590 doses,  Ainaro hetan 690,  Baucau hetan 1730 dozes, Bobonaru hetan 1080, Covalima hetan 920 hetan doses, Dili 13.190 hetan doses, Ermera hetan 900 doses, Lautem 740 hetan doses, Liquisa hetan 620 doses, Manatutu hetan 590 doses, Manufahi hetan 680 doses, Oe-cusse hetan 1.360 no Viquque hetan 910. Husi numeru refere total vasina ba faze premeiru nian mak total 24 mill doses.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here