Reportajen Santina Lucia da Costa
Komemorasaun Loron Nasional Juventude ba dala-16 no Masakre Santa Cruz ba dala-30, Sekretariu Estadu Juventude no Desportu (SEJD), Abrão Saldanha “Nokosiku” hateten joven sai imajen foun hanesan joven ba parte solusaun.
“Ba maluk foisa’e sira, espíritu 12 Novembru nian hatudu ita nia maluk Joven sira nia valor ida bolu sentidu partense, sira sente partense ba kauza nasional ida, ho nune’e husu atu ita hotu-hotu sente partense ba problema saida de’it mak ita iha no ita hola parte iha solusõens no fó solusõens ba ita nia problema rasik.” Hateten Abrão Saldanha, ba loron Nasional Juventude no Masakre Santa Kruz, iha Palasiu Prezidensial, Nicolau Lobato, Bairu-Pite, 10/11.
Abrão Nokosiku hatutan nune’e atu evita ema nia hanoin kona-ba joven sai fatin ba halo problema de’it, maibé ita sai imajen foun hanesan joven ba parte solusaun.
Tema ba komemorasaun Loron Nasional Juventude ba dala-16 no Masakre Santa Kruz ba dala-30 maka, “Espiritu Aswa’in 12 Novembru nian, Joven hanesan Autór importante ida ba Proteze Timor-Leste husi Covid-19.
