Home Notisia Trabalhador iha Australia no Korea, Hatama 15 Miloens ba Timor, Maibe Servisu...

Trabalhador iha Australia no Korea, Hatama 15 Miloens ba Timor, Maibe Servisu ho Riskus

385
0
Trabalhador Timor-oan iha Australia (Foto: Jornal Independen)

Reprezentante Sindikatu 
Jeral Traballadóesr Timor- Leste, Almerio Vila Nova, hato’o katak trabalhador migrante Timor-oan sira iha Korea ho Australia hasoru problema oioin iha sira nia servisu. Maibe problema sira ne’e seidauk hetan atensaun seriu hosi governo.

“Trabalhador sira hetan selu kik, hetan ameasa hosi kompania bainhira sira protesta hetan, la iha seguru saude, servisu oras naruk, deduksaun ba pagamentu, no osan pensaun susar atu asesu”, Almerio hato’o iha diskusaun paralel asuntu trabalhador migrante nian, iha salaun Fokupers, 29/08.

Koordenador APHEDA, Elizabeth Araujo konta tuir Iha kazu ida mak akontese tiha ona ba trabalhador Timor oan ida iha Australia ne’ebe hetan moras. Nia ba konsulta, mediku husu nia selu, maibe nia osan la to’o atu selu. Maski nia selu tiha ona seguru saude nian, ba kompania, maibe klinik ne’ebe nia ba konsulta husu nia atu selu nafatin. Situasaun ne’e halo Timor-oan ne’e la konsege konsulta. Maibe kazu ne’e ikus mai hetan advokasia hosi Uniaun Trabalhador ida iha Australia, no ikus mai kompania ne’e asumi hikas ninia responsabilidade.

Almerio ho Elizabeth enkoraja trabalhador hotu-hotu atu tama uniaun trabalhador iha fatin ne’ebe sira servisu ba. Atu nune’e sira hotu bele halo advokasia hamutuk hodi hetan protesaun ba dereitu trabalhador nian.

Sindikatu establese ona kooperasaun ho Uniaun Trabalhador Australia. Involve mos iha kursu pre-departure no halo diskusaun ho Departementu Overseas Employment nian iha SEPFOPE hodi haree asuntu sira mak identifika ona.

Maski nune’e sira trabalhador sira hatama ona osan 15 miloens mai rai laran, la konta ho osan mak hatam hosi banku. Timor-Leste hahu haruka trabalhador ba Korea iha 2009, no hahu haruka ba Australia iha 2012. Total trabalhador mak servisu iha Korea hamutuk 3000 resin, trabalhador 700 fila ona mai Timor-Leste. Total trabalhador ba Australia hamutuk 3480.

Diskusaun parallel ne’e iha iha okaziaun komemorasaun tinan 20 Konsulta Popular, loron 30 Agustu. Partisipante diskusaun mak ativistas nasional no mos internasional sira.

 

LEAVE A REPLY

Please enter your comment!
Please enter your name here