Home Notisia Komite Popular Husu Governo Proteze Trabalhador Domestika Ho Lei Espesifiku

Komite Popular Husu Governo Proteze Trabalhador Domestika Ho Lei Espesifiku

68
0
Ativista Trabalhador Dometika Husu Lei Espesifiku (Foto:APHEDA)

Konferensia Loron Ida ba Hametin Solidariedade no Dame, ho tema Hametin Solidariedade ba Direitu Auto-determinasaun no Justisa Sosiál, husu ba governo atu proteze trabalhador domestika ho lei espesifiku.

“Ba governo Timor-Leste atu proteze trabalhador dometisku sira ho lei trabalhador mak dignu, respeitu dereitus umanus no proteze servisu dignu ba trabalhador Timor-oan sira mak servisu iha Korea no Australia”, Koordenadora Komite Popular, Berta Antonieta deklara iha Palku Popular, iha Jardin Borja da Costa, 29/08.

Statementu ne’e dezenvolve liu hosi diskusaun paralelu ne’ebe nota katak dezenvolvimentu ekonomia ida ne’ebe la fo importansia ba ema nia dezenvolvimentu sei kontribui ba hadook Timor-Leste ba atinji objetivu dezenvolvimentu sustentavel sira. Trabalhador domestiku la hetan fatin iha ekonomia, sira nia servisu sei considera nudar servisu kriadu, kriada, mainatu ka pembantu nian. Uma kain klase mediu no elit sira halo exploitasaun ba no fo tratamentu la dignu ba trabalhdor domestiku sira nia servisu, hetan selu menus hosi salariu minimu, no la iha protesaun ba sira nia dereitu nudar trabalhador. Governo no Parlementu husik deit hodi la atensaun ba produs lejislasaun mak bele proteze trabalhadores sira ne’e.

Koordenador APHEDA Timor-Leste, Elizabeth Araujo, hato’o katak, “Timor-Leste iha potensia bo’ot ba trabalhador domestika tanba ekonomia Timor-Leste nian hahu buras dadaun. Uluk, trabalhador domestika sira ne’e konsidera nudar kriadu ka kriada, ka mainatu, ka pembantu. Maibe agora tenke konsidera sira nudar trabalhador domestika. Kodigu laboral temi ona kona ba trabalhador domestika maibe seidauk iha lei espefiku hodi proteze sira.”

“Trabalhador domestika sira ne’e nia servisu la seguru. Sira la iha kontratu eskrita, sira la hetan lisensa, servisu la iha oras sertu, no halo servisu hotu-hotu mak sira nia patraun hakarak. Ne’e violasaun ba dereitu trabalhador, maibe presija lei espesifiku hodi proteze sira”, Elizabeth aumenta.

Demanda ba trabalhador domestika aumenta ba bebeik iha situasaun ekonomia ohin loron nian. Sira barak liu mai hosi area rural, Ermera no Oecusse mak iha numeru bot liu. Sira nia rendementu menus hosi 115 dolar.

Deklarasaun Konjunta ba publik ne’e partisipa hosi reprezentante solidariedade internal, ativistas ONG, movimentu estudante, no mos artista Timor-oan sira. Deklarasaun ne’e hao iha ambitu komemorasaun tinan 20, Loron Konsulta Popular, 30 Agustu.

 

LEAVE A REPLY

Please enter your comment!
Please enter your name here