Home Uncategorized Bankada CNRT Husu Prezidente da Republika Bolu FRETILIN Ho CNRT Tur Hamutuk...

Bankada CNRT Husu Prezidente da Republika Bolu FRETILIN Ho CNRT Tur Hamutuk Buka Solusaun

667
0
Bankada CNRT iha PN. [Foto: Francisco JDA | 05.05.2020]

Reportazen Francisco JDA

Bankada Congresu Nasionál Reconstrusaun Timor (CNRT) liu hosi Komunikadu Imprensa husu Presidente da Republika, Dr. Francisco Guterres Lu Olo, hodi bolu Frente Revolusionariu Timor Leste Independensia (FRETILIN) no CNRT atu tur hamutuk, hodi buka solusaun ba impase polítika iha rai laran.

Presidente Bankada CNRT, Duarte Nunes liu hosi Komunikadu Imprensa hateten hare situasaun polítika ne’ebé partidu polítika sira la sensivel ba povu nia situasaun moris.

“Situasaun ekonomia pais nian, tanba mós esforsu sira hodi halo violasaun ba Constituisaun da Repúblika atu atinji objetivu poder hodi ignora tiha konfiansa povu nian ne’ebé deposita ba partidu polítika iha eleisaun antesipada,Bankada CNRT afirma fo apoio tomak ba Presidente Parlamentu hola dezisaun saida de’it atu fo susesu ba implementasaun Estadu Emergencia”  dehan Presidente Bankada CNRT liu hosi Komunikadu Imprensa iha Parlamentu Nasionál, 05/05

Presidente Bankada CNRT reforsa tan konfiansa maioria povu iha eleisaun antesipada fo ba Aliansa Maioria Parlamemtar (AMP) ho 21 kadeira no partidu FRETILIN tempu too ona, atu halo tuir mandatu povu ne’ebé deposita nia votu barak liu ba partidu rua mak FRETILIN no CNRT, tau interese iha kotuk hodi hare de’it interese povu nian.

“Husu Presidente da Repúblika atu hamriik hanesan Xefe Estadu hamriik iha klaran, hodi hamutuk ho partidu boot rua FRETILIN no CNRT hodi buka solusaun ba impase Polítika”, hateten, Duarte Nune’e liu hosi Komunikadu Imprensa.

Print Friendly, PDF & Email

LEAVE A REPLY

Please enter your comment!
Please enter your name here