Home Notisia Francisco: Governu Kontinua Apoiu Atividade Jurnalismu nian

Francisco: Governu Kontinua Apoiu Atividade Jurnalismu nian

527
0
MAPCOMS Francisco Martins da Costa Pereira Jeronimo. [Foto: Santina Lucia da Costa | 05.07.2020]

Reportazen Santina Lucia da Costa

Ministru Asuntu Parlamentares no Komunikasaun Sosial (MAPCOMS), Francisco Martins da Costa Pereira Jeronimo partisipa iha enseramentu konferensia Asosiasaun Jornalista Timor Lorosa’e (AJTL), hodi hili membru AJTL ba tur iha Konselho Imprensa period 2020-2024.

Liu hosi deskursu Ministru Francisco dehan AJTL laos foin harii, bainhira referendum Timor-Leste,  AJTL hamriik kedas atu defende Jornalista sira iha tempu ne’eba to’o ohin loron.

Ministru Francisco hatutan ohin loron ita tama situasaun ida ne’e, ita kompara ho tinan-tinan, ita foin harii iha prosesu ne’ebe mak diferente, ohin loron ita boot sira ho membru ne’ebe mak barak tebes ne’ebe besik 300,  ne’ebe mak partisipa konferensia ne’e,  progresu boot tebes ba AJTL. AJTL hanesan sentru defende no defeza jornalista sira iha kualker tempu.

“Hanesan governu, tutela ba atividade jornalizmu nian mos, hau mai iha ne’e, fo nafatin motivasaun no apoiu nafatin ba ita boot sira katak, governu nafatin kontinua hala’o nia knaar. Saida mak tau fiar mai iha programa no mos saida mak halo susesu tiha ona ba ita boot sira. Hau mai atu hametin tan ida ne’e, kontinua hadia liu tan ba oin, saida mak presiza, liuliu ba parte jurnalizmu nian. Governu nafatin fo apoiu ba ita boot sira”,  hateten Francisco M. da C. P. Jeronimo, iha Delta-Nova,  04/07.

Ministru akresenta oinsa atu defende jornalizmu, tanba dalaruma konsidera serbisu laos profisaun, maibe funsionariu serbisu hanesan mos trabalhador baibain, maibe jornalista nia funsaun profesional ne’e ita presija konsidera, sei iha tempu uituan MAPCOMS sei halo buat diak ruma ba jornalista Timor-Leste.

“Ida ne’e hau nia komitmentu ida, iha tempu kotuk Lei balun prepara tiha husi governu, maibe enfelizmente hetan veta husi Prezidente da Republika, hau haree Lei ne’e, hau koko atu dehan dalaruma ita sei hasoru malu, atu deskute fila-fali Lei atu di’ak ne’e halo oinsa, atu nune’e bele sai fali proposta ida, depois aprova iha Konsellu Ministru, haruka fila-fali ba Prezidente da Republika. Hau promete ba ita boot sira, ne’e sai hanesan hau nia trabalho de casa”, garante Francisco

Nia dehan  kontente ba jornalista sira nia profisaun, mezmu ema balun koalia ita boot sira seidauk profisional, maibe ba hau prezensa ita boot sira nian ajuda tiha ona governu, ajuda ema hotu-hotu, atu fo informasaun ba fatin hotu-hotu. Iha Timor laran no mos iha rai liur, ita presija valoriza, mezmu ema dehan katak seidauk profisional, ita presija hadia nafatin, atu nune’e bele sai di’ak liu.

MAPCOMS hateten Konsellu Imprensa konstitui tempu badak tanba sira nia misaun remata ona, sei kontinua haree fila-fali saida mak to’o oras ne’e Konsellu Imprensa anterior rai hela no kontinua knaar ne’ebe mak tempu kotuk ba karik seidauk realiza, hanesan governu nafatin koopera ho ita boot sira no sei lao hamutuk.

Print Friendly, PDF & Email

LEAVE A REPLY

Please enter your comment!
Please enter your name here