Reportajen Zevonia Vieira
Ministeriu Saude (MS) deteta tan kazu konfirmadu foun COVID-19 ba loron 4 Setembru hamutuk 89. Liuhusi komunikadu imprensa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste (SIJK), Dr Rui Maria de Araújo, relata ba jornalista sira katak númeru kazu detetadu foun menus, kompara ho loron ru ikus
Kazu rekuperadu barak-liu kazu detetatu foun, iha nain 253, númeru óbitu nain 4 (2 iha Dili, 2 iha Lautem no númeru ema ne’ebé halo tratamentu ospitalizadu reduz, kompara ho horiseik.
Nune’e dadu jerál hatudu katak kazu foun hamutuk nin 89 (Dili 39, Covalima 22, Lautem 11, Baucau 8 & munisipiu seluk hamutuk 9), husi total kazu detetadu foun ohin mane 39, feto 50. Husi total kazu detetadu foun ohin, hirak ho idade tinan ho idade 60 nain 3.
Husi total kazu detetadu foun ohin, 48 kazus ka 54% maka sintomátiku (hatudu sintomas), husi kazu detetadu foun ohin, 20 (22%) iha ona vasina kompletu & 7 (8%) hetan ona vasina doze dahuluk. Kazu rekuperadu ne’ebé relata ohin iha nain 253.
Total kazu ativu ohin iha nain 4.261, total kazu konfirmadu kumulativu sura husi loron 21 Marsu 2020 to’o ohin loron hamutuk 17.468, total óbitu ohin nain 4 nune’e kazu obitu sae ba 78