Home Saude Diferente Idea Iha KM Konaba Konfinamentu Obrigatoriu, MS: Ministru Balun Kontra KO

Diferente Idea Iha KM Konaba Konfinamentu Obrigatoriu, MS: Ministru Balun Kontra KO

542
0
Ministra Saude, Odete Maria Freitas Belo. [Foto: David | 04.09.2021]

Reportajen David da Costa Gusmao

Ministeriu Saúde (MS) hakarak aplika Konfinamentu Obrigatóriu (KO), tanba ho razaun salva komunidade sira husi surtu Covid019 ne’ebé kontinua fó ameasa ba Timor-Leste .

Liu husi konferénsia imprensa Ministra Saúde (MS), Odete Maria Freitas Belo hateten hakarak governu aplika Konfinamentu obrigatóriu , atu salva komunidade husi surtu Covid-19, tanba  iha reuniaun Konsellu Ministru membru governu balun kontra malu relasiona ho pedidu hosi Ministériu Saúde nian atu aplika Konfinamentu Obrigatóriu (KO) ba Munisípiu Dili, atu salva povu labele mate ho ka tanba Covid – 19 no variante Delta .

“Ami iha diferente ideia,  ha’u hanesan Ministra Saúde ha’u hakarak atu aplika Konfinamentu Obrigatoriu, haree ba situasaun ami nian katak kama mamuk, laiha ona pesoál saúde sira mos moras ona, tanba ne’e ha’u kontra ha’u nia kolega Ministru sira atu aplika Konfinamentu Obrigatóriu, tanba ha’u lakohi ha’u nia ema atu mate, lakohi ha’u nia komunidade atu mate,” dehan Ministra Saúde  iha Salaun Ministériu Finansas, Aitarak Laran, Sabadu 04/09.

Nia dehan se la aplika serka sanitária ho konfimantu obrigatóriu sidadaun barak mak sei mate tanba Covid – 19 ho variante Delta.

“Ha’u tenke kontra ha’u nia kolega Ministru sira, tanba sira mos atu halo sira  nia atividade, tanba  ita iha fulan klaran ona atu to’o Dezembru, sira labele ezekuta sira nia orsamentu ba atividade sira no sei aprezenta mos nia relatóriu ba Primeiru Ministru, no sei responsável ba kada Ministru sira nia ezekusaun serbisu durante ne’e”, nia esplika.

Nia haktuir se Ministru sira lakohi atu aplika konfinamentu Obrigatóriu akontese, mak komunidade sei mate barak, kuandu mate sei husu Ministru hotu nia responsabilidade.

“Ami aseita hamutuk konfinamentu obrigatoriu aumenta to’o loron 9 Setembru, maibe hau nia hakarak bele karik aumenta tan semana rua, atu nune’e ita bele hakotu tranzmisaun, tanba tranzmisaun sei lao”, nia hateten

Print Friendly, PDF & Email

LEAVE A REPLY

Please enter your comment!
Please enter your name here