Home Notisia CNC ho MS Asina Nota Entendimentu Tulun Sobrevivente Halo Tratamentu Saúde

CNC ho MS Asina Nota Entendimentu Tulun Sobrevivente Halo Tratamentu Saúde

765
0
CNC ho MS asina MoU. [Foto: Francisco JDA | 03.09.2021]

Reportajen Francisco JDA

Centro Nasionál Chega! (CNC) ho Ministériu Saúde (MS) asina Nota de Entendimentu ho objetivu atu bele responde ba relatóriu Chega, nune’e husu Ministériu Saúde tulun sobrevivente sira ne’ebé saúde fízika la dun di’ak, tanba impaktu husi funu. Feto no mane hetan torturasaun, nune’e depois de ukun an sira merese hetan tratamentu saúde ne’ebé mak di’ak

Tuir Diretór Ezekutivu, CNC Hugo Maria Fernandes ba jornalista sira hateten, sobrevivente ne’ebé daudaun ne’e rejistu no fo atendimentu hosi Pradet hamutuk 26, nune’e faze tuir mai sei halo tan verifikasaun no rejistrasaun mós kontinua lao hela

“To’o agora ita nia baze de dadus ne’e rejistu kuaze 2 mil, iha baze de dadus ne’e mak ita sei halo agregasaun katak hosi 2 mil ne’e, ida ne’ebé mak atendimentu saúde fízika, na’in hira mak presiza atendimentu saúde mental,  no na’in hira mak hanesan ami nia parseria ho Ministériu Soliedariedade Inkluzaun hetan daudauk apoia finanseira ba sira nia moris,” hatete Diretór Ezekutivu CNC, Hugo Maria Fernandes iha nia knaar fatin Balide, 03/09

Hugo Maria Fernandes subliña tan, nota entendimentu ne’e halo ho objetivu oinsá mak bele halo kooperasaun ida atu tulun vitima sira funu tinan 24, ne’ebé mak ohin loron ho kondisaun fízika la di’ak, no sira ne’ebé iha kondisaun saúde mental, nune’e ba oin saida mak Ministériu Saúde no Centro Chega! hanoin hela mak bele harii sentru reabilitasaun ba sobrevivente sira, tanba sobrevivente balun kontinua moris iha situasaun trauma no psikolójika ne’ebé la favorese ba moris di’ak

“Centro Chega! nia responsabilidade mak fornese dadus, tanba durante ne’e ita nia divizaun solidariedade ba sobrevivente hosi rejistu ne’e mak dadus sira haruka ba Ministériu Saúde to’o ospital nasionál referral, no postu sira para depois ita nia saúde kada postu saúde sira hatene se mak sira fó atendimentu,” hateten Hugo Fernandes

Nia dehan durante ne’e fasilidade no atende ba sobrevivente sira seidauk kompletu, nune’e ho parseria ne’e bele fornese fasilidade ho di’ak.

Print Friendly, PDF & Email

LEAVE A REPLY

Please enter your comment!
Please enter your name here