Home EduTek Belun Realiza Formasaun Ba Enumerador Atu Halo Peskiza Konaba Sensu Eskolar

Belun Realiza Formasaun Ba Enumerador Atu Halo Peskiza Konaba Sensu Eskolar

485
0
Belun realiza formasaun ba enumerador sira atu halo peskiza. [Foto: Marcio Morato Pinto | 05.10.2020]

Reportazen Marcio Morato Pinto

NGO Belun realiza formasaun ba enumerador sira ne’ebe hetan kualifikasaun atu halo peskiza konaba sensu eskolar ba Ensinu Sekundaria Jeral (ESJ) no Eskola Sekunari Teknika Vokasional (ESTV).

Liu hosi abertura ba treinamentu refere ba Neon Metin Diretor Belun, Luis Ximenes hateten peskiza ne’ebe sei halo sei foka liu ba manorin sira iha nivel sekundaria jeral no teknika vokasional.

Nia dehan antes halo peskiza iha terenu, enumeradorsira sei tuir formasaun durante loron tolu, hamutuk ho Professor Dr. Davi Butterworth no responsavel hosi Miguel Mau Soares hosi NGO Belun.

Diretor Belun dehan projetu no treinamentu ida ne’e realiza tamba hetan apoio máximu husi parte IBTCI, MCC, CDT-TL no dezenvolve politika ho parseria Ministerio Edukasaun Juventude e Desportu (MEJD).

“Belun parseria ho Bridging Peoples, organizasaun ida foku liu ba iha peskiza no hetan mos apoiu hosi International Business & Technical Consultants, Inc (IBTCI), kompania Amerika ida ne’ebe hetan fiar hosi MCC  no CDT-TL ba interesante peskiza ida hanaran Sensu Eskolar fo prioridade liu ba Ensino Sekundaria Geral (ESG) no Ensino Sekundaria Teknika Vokasional (ESTV) kabe ba Munisipiu 12 inklui RAEOA”, dehan Luis.

Iha fatin hanesan Diretor Geral Ministerio Edukasaun, João Maupelo haktuir katak presiza lori tempo naruk atu implementa rezultadu ne’ebe enumerador sira sei peskiza ka rekolha sensus eskolar sira.

Nia ehan liu husi estudu ba peskiza ida ne’e, maka sai centro excelente atu integra ba kondisaun hotu ne’ebe bele responde nesesidades ba sira ne’ebe la difisiensia no sira ne’ebe ho kondisaun difisiensia. Projetu husi Millenium Challenge Corporation (MCC) no mos Compact Development Team Timor-Leste (CDT-TL), sei halo observasaun ba kestaun jéneru no inklusivu, tamba peskiza ida ne’e sei integra ba asuntu eskolar hotu.

Entretantu Ambassador Constancio da Conceicao Pinto hateten presiza lori tempu naruk atu hadiak sistema edukasaun no formasaun ba professores iha Timor laran tomak.

Ambassador ne’e hatutan katak ho kolaborasaun ne’ebe nakonu ho responsabilidade, bele fó rezultadu diak no bele hadiak kualidade professores Timor oan sira nian iha futuru.

“Infelismente tuir lolos ita hahu projetu ida ne’e kleur ona, maibe tamba pandemia COVID-19 halo projetu hotu paradu. Hau hein katak ita hotu servisu hamutuk hodi hadiak sistema edukasaun, atu nune’e bele hetan professores ne’ebe kualifikadu iha futuru”, tenik Constâncio iha salaun Centro Chega! Balide, 05/10.

*(Marcio Morato Pinto estajiadu iha media RENETIL Neon Metin)

Print Friendly, PDF & Email

LEAVE A REPLY

Please enter your comment!
Please enter your name here