Reportajen Joanina Casamiro
Komunidade Rihun Tolu iha suku Leorema, postu Administrativu Bazartete Munisipiu Liquiça seidauk asesu ba iha bee moos no iha komunidade Rihun Ha’at maka asesu on aba iha bee moos.
Xefe Suku Leorema, Sandra de Araujo hateten, Komunidade iha suku Leorema ne’e iha rihun Tolu maka seidauk asesu ba iha bee moos, maibé iha komunidade rihun haat asesu ona ba bee moos, maibé ida seidauk asesu ne’e, iha planu atu hatama proposta ba Bee Timor-Leste Empressa Publika (BTL, E.P.) atu nune’e komunidade sira bele asesu hotu ba bee moos.
“Ha’u agradese ba ba governu liuliu Be’e Timor-Leste, Empressa Publika (BTL,E.P, hau mai atu husu nafatin ba governu katak pervulasaun hotu ona signifika katak ami iha ona bee matan, uluk ita preokupa ho bee matan mak ami la asesu ba bee moos, maibé agora iha ona bee matan hau husu liuhosi vise prezidente BTL, atu foti ona desizaun hodi bele halo ona levantamentu ba bee moos”, Dehan Xefe Suku Likisa Ba Jornalista sira iha Salaun Luz Klarita, sexta 9/12.
Nia haktuir, falta kontrolu husi Bee Timor-Leste, Empressa Publika (BTL,E.P), entaun tanki bee moos sira ne’e, labarik kiik-ona sira ba haris fali iha tanki, depois komunidade sira iha kraik hemu fali be’e fo’er.
“Tanba ne’e mak hau husu ba governu, para depois foti netik dezisaun ruma, ba probelma ka preokupasaun husi Munisipiu Liquiça nian, tanba falta kontrolu hosi BTL, tanki bee moos sira ne’e labarik kiik ona sira ba haris fali iha tanki bee moos ne’e, depois komunidade sira iha kraik hemu fali bee foer”, esplika nia.
