Reportajen Umbelina dos Reis
Asosiasaun Jornalista Timor Lorosa’e (AJTL) ho Rede Koligasaun Agrikultura hala’o diskusaun nakloke ho oradór sira ne’ee mai husi Rede ba Rai, Kadalak Sulimutu Institutu no Arte Moris hodi koalia konaba asesu no sai nain ba rai.
Iha diskusaun nakloke Vice Prezidente AJTL, Aniceto dos Reis hateten hosi diskusaun ne’e atu ko’alia k asuntu grupu Arte Moris ne’ebé mak halo promosaun artístiku, ne’ebé mak reprezenta timoroan nia talentu rasik.
“Saída mak sai hanesan identidade nasaun nian? dadus ne’ebe mak foin lalais governu halo ona nomeasaun Komisaun de Terras, bele kontribui solusaun disputa ba rai ne’ebe mak iha Timor-Leste, nia dehan dadus ne’ebé mak fo sai husi Ministériu Justisa katak hamutuk 42.000 parseira hamutuk, 12.000 da-dauk ne’e rai na’in hela iha estranjeiru, la hatene katak sidadaun Indonézia mos sedauk hatene nia estatutu loloos”, hatete Vise Prezidente AJTL, Aniceto, iha diskusaun nakloke iha sede Hasatil, 04/12.
Nia esplika, tanba kestaun disputa ne’e mak despaxu administrativu ba organizasaun Arte Moris, nune’e AJTL koopera hamutuk ho Rede Koligasaun Agrikultura no Oxfam realiza atividade ida ne’e, hodi ko’alia oinsá bele hetan solusaun di’ak.
Hosi diskusaun refere parte Arte Moris hola sira nia pozisaun katak, hakarak koopera ho estadu maibé tenke prepara fatin ne’ebé dignu, hodi kontinua sira nia atividade, tanba fatin ne’ebé governu propoin la merese atu bele hala’o sira nia atividade hamutuk ho membru sira.
Iha parte sorin Rede ba Rai mos hato’o sira nia pozisaun ba disputa rai entre grupu Arte Moris katak governu tenke prepara kondisaun antes hasai ema ka grupu ruma hosi fatin ne’ebé sira uza.