Reportajen Silvino Freitas
Relasiona ho kazu covid-19 ne’ebé numeru derepente aumenta makaas hahú husi fulan kotuk Ministra Saude, Odete Maria Freitas hateten la nesesáriu ona atu halo lock-down tanba governu apela ona ba komunidade atu simu vasina.
“Primeru Ministru hateten tiha ona katak la iha ona knockdown ema hotu ba simu vasina, tenki simu vasina la iha tan ona atu halimar ho lock-down, maibe kuandu iha situasaun ne’ebé afeta ona ba ema nia moris, Ministériu Saude liu husi lei ne’ebé aprova ona, fo dalan atu halo konfinamentu obrigatoriu iha fatin balun” dehan Odete ba jornalista sira iha Ótel Novo Turizmu,(08/02).
Entretantu tuir Ministra Saude dadaun ne’e iha pasiente liu nain 20 mak baixa hela iha Lahane, husi rezultadu teste laboratorio, hatudu karakteristika liu ba omicron.