Reportajen Zevonia Vieira
Liuhusi Ministeriu Saude (MS) deteta kazu foun COVID-19 ba loron 8 Fevereiru 2022 hamutuk 247. Liuhusi komunikadu imprensa ne’ebé Neon Metin asesu, Koordenadór Jerál Surtu COVID-19 Ministériu Saude, Dra.Odete da Silva Viegas hatete, númeru kazu detetadu foun hamutuk 247, total kazu rekuperadu 22.
Ema ne’ebé hala’o tratamentu ospitalizadu nain 4. Óbitu 0 (zero), Munisipiu 5 la iha kazu ativu no munisipiu 6 ho RAEOA sei iha kazu esporádiku.
Kazu rekuperadu iha nain 22, total kazu ativu ohin iha na’in 836, total kazu konfirmadu kumulativu sura husi 21 Marsu 2020 to’o ohin loron hamutuk 20748. Total óbitu ne’ebé relata ohin laiha ka zero.
Husi horisehik mai ohin, ema hamutuk hotu Laboratóriu Nasionál Saúde halo 739 testes PCR iha Dili, ho detalle hanesan tuir mai vijilánsia sentinela nain 3, Rastreiu ba kontaktu (Contact tracing) nain 360. Rastreiu Aleatóriu (Random Screening) nain 299.
Ema hamutuk nain 17 mak baixa ho COVID-19 iha izolamentu Vera Cruz, Lahane, HNGV no fatin seluk iha territóriu laran tomak.
