Reportajen Silvino Freitas
Relasiona ho kazu moras dengue ne’ebe kontinua sae, nune’e Ministra Saude, Odeta Maria Freitas apela nafatin ba komunidade, atu halo limpeza iha idak-idak nia hela fatin hodi kontribui ba kombate moras dengue.
Tuir Ministra Saude Odete Maria Freitas hateten, komunidade hotu presiza hamoos amibiente hela fatin nian hodi nune susuk labele eziste, husi ne’e bele kombate moras dengue.
“Komunidade ida-idak hamoos nia uma sorin, atu susuk labele eziste, kuandu susuk la tata ona ita automátikamente virus dengue sei la iha, tanba dengue afeta ba ema ne’e liu husi susuk, ita hamoos foer iha uma sorin sorin no saude sira rega ho aimoruk, antes rega aimoruk ita tenke hamoos uluk foer sira iha ita nia uma sorin sorin karik la hamoos foer rega ho ai-moruk mos susuk sei la mate” dehan Ministra Odete ba Jornalista sira iha Ótel Novu-Turizmu, 08/02.
Nia hatutan Ministériu Saude nafatin halo esforsu, atu kombate moras dengue liu husi halo tratamentu iha ospitál HNGV, no dadaun ne’e alarga ona tan ba iha Vera-Cruz, no iha sentru saude sira mos esforsu makaas atu atende labarik sira moras dengue.
“Tanba ne’e hau apela tan ba komunidade sira katak atu kombate dengue ita hotu nia kontribuisaun liu liu komunidade sira atu hamoos nafatin ambiente sira ne’ebé hela ba” nia konklui.