Reportajen Joselina dos Santos
Negosiante Sira iha Aldeia Guideon, Suku Vila-Verde, Postu-Administrativu Vera-Cruz Munisipiu Dili, hato’o sira nia esperansa ba kandidatu Prezidente Republika sira períodu 2022-2027, sira garantia katak Presidente Repúblika foun ne’ebe sei mai tenke iha loyalidade no simplesidade hanesan Maubere Oan, hodi hakbesik ba povu no rona beik-beik povu nia preokupasaun, hodi dezafia Governu atual no governo foun bele aselera prosesu dezenvolvimentu ne’ebe sustentavel ba povu no Nasaun.
Negosiante Edmundo G. Belo husi Munisipiu Baucau (27) hela iha Kaikoli hatete, tuir nia perspetiva ba Kandidata Prezidente Repúblika iha Períodu 2022-2027, katak Prezidente foun tenke reforsa no meloria Konstituisaun RDTL, atu labele mosu beik-beik impase no instabilidade polítika iha rai laran no mos iha rai liur.
Nune’e kna’ar Prezidente no funsaun Prezidente Republika mak garantia paz estabilidade armonia ba nasaun nian, tan ne’e Prezidente Republika sai supremu ba forsa armada ne’ebe labele influensia atu hamosu dezentendementu ba lala’ok politika no sosial.
“Nu’udar negosiante husu ba kandidatura ida ne’ebe mak sei manan karik, tenke neutraliza kualker situasaun ne’ebe mosu iha rai laran, no labele provoka situasaun hodi hamosu dezentedementu no instabilidade ba atu labele fo implikasaun ba sidadaun sira, atu nune’e kompradores sira movimentu ba mai hodi sosa negosiante sira nia produtu ka sasan hirak ne’e,” dehan, Negosiante Edmundo Ba Neon Metin iha Aldeia Guideo, 28/02.
Iha Fatin hanesan, Negosiante husi Munisipiu Ainaro Marquita J. de Jesua (47 anos), hela iha Vila-Verde hatete, Nia esperansa ba Kandidatu Prezidente Republika periode 2022-2027, katak sidadaun hotu-hotu iha Timor-Leste, tenke iha Unidade hodi hili Prezidente foun ne’ebe mak iha koiñesimentu no Skil ne’ebe luan ho konxiensia, atu bele sai aman ba nasaun ida ne’e hodi lori nasaun ne’e ba dezenvolvimentu ne’ebe di’ak, liu-liu iha seitor ekonomia.
“Ha’u husu ba Kandidata Prezidente foun ne’ebe sei mai karik bele tenke kria kondisaun ka merkadu ba negosiante sira ne’ebe mak dadaun ne’e buka moris iha rai estadu nian, atu ami nafatin hala’o atividade negosiante hanesan bain-bain hodi hetan rendimentu ka lukru hodi sustenta ba ami nia nesidade loron-loron,” Dehan Marquita.
Tuir Negosiante husi Munisipiu Baucau, Cristiano Pinto dos Santos Idade 28 anos husi Munisipiu Baucau hela iha Caicoli harete, Hanesan negosiante Nia hakarak Prezidente foun ne’ebe sei Mai tenke tau prioriedade ba negosiante Kiik Sira, tanba Sira ne’e hanesan baze ida hodi kontribui ba Estadu Liu husi legalidade SERVE nian. Tanba husi buat Kiik Sira ne’e mos hola parte Kontributivu Taxa ba Estadu tuir dekretu Lei nebe Governo aprova ona.
Nune’e ne’e mos liu-liu negosiante ne’ebe Hela iha Rai Estadu precisa Prezidente Republika foun hodi bele atende sira ho digno, Pelumenus kria kondisaun ruma ba sira tuir Vida negosiante nian Mak kada Fulan sira ba halo arendamentu ba Estadu naran katak kria kondisaun ne’ebe favoravel ba negosiante sira ne’ebe Hela iha Rai Estadu.
Nia hatutan, labele tempu besik Eleisaun Mak Mai kose kose Ami hodi Vota ba imi, imi manan tiha sa’e ba Prezidente Republika hasai Ami hanesan Ema refujiados husi Rai seluk ne’e Mak la los la digno, bele harii Bairo foun ba Ema ne’ebe Hela iha Rai Estadu depois Mak halo arendamentu tuir kondisaun ekonomia familia ida-idak Nian.
“Presidente Ida ne’ebe ho fuan boot iha transparansia de lideransa la haree ba kor politika, organizasaun, Kultura no relijiaun, hanesan negosiante Ida Esperansa boot ba PR foun ne’ebe sei Mai bele iha Komprensaun mutua entre nasaun aliados Sira inklui nasaun Sira seluk ne’ebe sedauk halo aliados ho Ita, no bele mantein kria paz no estabilidade hodi livre Nafatin ba povu Maubere Nia oan Sira buka Moris loron loron nian,” dehan Cristiano
Iha sorin seluk, Negosiante Viqueque Anita Perreira (30 anos)’ hela iha Caicoli hatete, nia esperansa ba Kandidatu Prezidente Republika Periode 2022-2027, mak nia ba husu Kandidatu Prezidente foun katak Karik bele kumpri netik ita boot sira nia komprimissu ne’ebe Kandidatu sira hato’o iha tempu kampaña ne’e, la’os povu hili tiha to’o ikus haluha sira nia promessa ne’ebe promete ba povu kiik sira.
“Nu’udar Negosiante husu ba kandidata Prezidente foun sira tenke hala’o dezenvolve ita nia rain, liu-liu ba negosiante sira ne’ebe mak buka moris iha rai estadu, atu loron ida estadu haruka ami sai husi fatin ne’e prezidente foun tenke tau atensaun ba ida ne’e,” dehan Anita
Negosiante Baucau Francelino Tilman da Costa (26 anos) hela iha Bairo Aspol hatete, nia Esperansa ba Presidente Republika Foun ne’ebe Mak Mak Sei lidera Nasaun Timor-Leste tenke lori PaZ no estabilidade Ba Konstituisaun RDTL.
“Nu’udar negosiante hakarak husu Ba Presidente Republika foun atu hari’i merkadu ne’ebe Mak dignu ba negosiante Sira, liu-liu Ba negosiante Sira ne’ebe Mak dadaun Ne’e hala’o Hela Sira Nia negosiu ki’ik Iha Dalan ninin hanesan trotoar leten nomos Ba Sira ne’ebe estadu identifika katak negosiante Sira hala’o sira Nia negosiu Iha Rai ka area estadu Nia. Ha’u Fiar katak Presidente Foun Sei Loke Kreditu ne’ebe Ho Nia lukru ki’ik Ba negosiante ki’ik Sira hodi nune’e Sira bele augenta Ba Sira Nia nesesidade loron-loron nia,” dehan Tilman
Negosiante Baucau Clara dos Santos Benevides (22 anos) hela iha Becora hatete, tuir nia espirasan ba kandidatu Prezidente Republika foun, tenke iha kandidatu ida ne’ebe mak iha persepsaun no kapasidade boot hodi bele tau matan ba povo, no sai aman ba Nasaun RDTL tenke dezenvolve Nasaun RDTL ho di’ak.
“Husu ba kandidatu foun tenke tau atensaun mos ba ami atu hala’o ami Negosiu ho di’ak tuir ami nia hakarak atu povu kiik sira bele buka osan hodi sustenta ba nesesidade uma laran,” dehan nia.