Governu Ohin Aprova Ona Dekretu Governu Remunerasaun ba Órgaun AIFAESA, I.P

Reportajen David da Costa Gusmao

Governu liuhosi reuniaun Konsellu-Ministru, ohin aprova ona  Dekretu Governu   ne’ebé halo alterasaun dahuluk ba Dekretu Governu nu.10/2016, loron 21 fulan-setembru, kona-ba Remunerasaun ba Órgaun sira Autoridade inspesaun Fiskaluzasaunda atividade ekonomika, Sanitária i Alimentar, Institutu Publiku (AIFAESA, I.P. ) nian.

Iha projetu dekreitu governu nian ida ne’e aprezenta husi Ministru Koordenadór Asuntus Ekonómikus (MKAE), Joaquim Amaral.

Porta voz governu, Ministru Prezidénsia Konsellu Ministru, Fidelis Manuel Leite Magalhães, dehan, Alterasaun ida ne’e ninia objetivu mak atu adapta nivel salariál órgaun AIFAESA, I.P. nian ba espesifisidade, komplexidade no nivel responsabilidade husi  atribuisaun no kompeténsia ne’ebé sira halo, ba importánsia ne’ebé Institutu Públiku ne’e asume iha setór ekonómiku oioin, no mós ba realidade ekonómika daudaun ne’e iha Timor-Leste.

Nune’e mós iha reuniaun  Konsellu Ministrus asiste mós aprezentasaun husi Ministru Koordenadór Asuntus Ekonómikus (MKAE), ba  adesaun Timor-Leste nian ba iha OMK.

“Ohin KM mos asiste, rona  no apresia ba aprzentasaun husi MKAE konaba Pontu situasaun prosesu negosiasaun ba  adezaun Timor ninia ba Organizasaun Mundiál Komérsiu (OMK) no lalaok prosesu negosiasaun bilaterál kona-ba bens no servisus,”  Fidelis Manuel Leite Magalhães   iha Palásiu Governu, Kuarta 8/06.