Reportajen Joanina Casamiro
Klinika Saúde iha Matadoru ne’ebé maka pretense ba Suku Vila-Verde Postu Administrativu Vera Cruz Menus Be’e Moos. Tanba ne’e husu ba governu tau atensaun mós ba problema ne’ebé maka povu sira hasoru.
Reprezentante Suku Vila-Verde, Feliciana Iria Soares hateten centru saúde no klinika sira iha Dili laran balun asesu ba bee moos ona, maibe balun seidauk asesu ba bee moos, hanesan klinika Saúde iha Matadoru, no Doutór sira sei hola bee maka foin ense ba tanki. Tanba ne’e husu ba governu tenke rezolve no tau atensaun ba problema ne’ebé povu hasoru hanesan infraestrutura, saúde no edukasaun.
“Ha’u Ko’alia kona-ba ba saúde tanba realidade iha Dili laran tomak, balu asesu ona ba bee moos, no balu seidauk asesu ba bee moos, tanba iha ami nia Suku rasik hanesan klinika Saúde Matadoru rasik, sei sosa bee moos. Doútor sira sei sosa bee mak foin ense ba tanke”, Dehan Reprezentante Suku Vila-Verde ba Jornalista sira iha Salaun Luz Clarita, Sesta 9/12.
Nune’e mós komunidade iha Matadoru ne’e mós sei sosa bee moos mak tau ba tanke, no mós ba iha komunidade sira hosi Aldeia Terus nain, Aldeia Mate Moris, Aldeia Mate Retu, Matuah, Lemorai ne’e bee moos mós sei menus hela.
Alende ne’e mós, haree klinika sira ne’ebé iha postu Saúde sira iha Dili laran menus ba Ambulancia tanba iha postu saúde ida, iha de’it Ambulansia ida deit hodi atende ba ema moras sira.
“Ami nia hare iha postu saúde sira iha Dili laran tomak ne’e menus liu ba Ambulancia, tanba postu saude ida iha Ambulancia ida”, nia dehan.