Reportajen joanina Casamiro
Xefe Suku Caicoli, husu ba nia komunidade sira iha suku Caicoli, Postu Administrativu Vera Cruz, Munisipiu Dili, atu hamoos uma oin, no valeta sira ne’ebé besik iha uma, atu nune’e bele hadok an husi morsa Dengue ho moris sira seluk.
Xefe Suku Caicoli Hipolito Marques Sarmento husu ba komunidade sira iha Dili laran, liuliu ba iha suku Caicoli, tenke hadook an husi moras dengue, tanba ne’e presiza hamoos uma oin sira ne’e, hamoos vazu ai-funan sira ne’ebé maka bee nakonu ne’e.
“Ha’u husu ba komunidade sira iha Díli laran liu-liu ba suku Caicoli, ita tenke hadook-an husi moras dengue no moras seluk-seluk ita presiza hamoos uma oin sira, hamoos bee ne’ebé nakonu iha vazu laran, atu nune’e ita bele hadook a’an husi moras dengue, sei ita la hamos ita nia uma rasik, valeta sira ne’ebé besik ita mak nia impaktu udan mai bee sae depois lori fali moras no mos komesa hada’et liuhosi lixu,” dehan Xefe Suku Caicoli Hipolito Marques Sarmento, ba Jornalista Neon Metin, iha nia kanar fatin Caicoli, Sabadu 1/04.
Nune’e nia husu mós ba Xefe suku sira hanesan Villa-Verde, Mascarinhas no Santa Cruz, se bele karik iha ne’eba suku hotu-hotu iha lixu fatin, tanba ne’e husu ba kolega sira avizu ba komunidade atu ida-idak tau tuir fo’er iha nia fatin area suku ida-idak nian, la’os husi maskarinhas mai soe fali iha Caicoli, Caicoli ba soe fali iha Kintal-boot.
“Tanba ne’e, ha’u husu ba Santa-Krus, Villa-Verde ho Maskarinhas avizu ba komunidade sira soe lixu tuir ida-idak nia area ida-idak nia suku atu nune’e ita bele prevene moras dengue no inundasaun iha suku ida ne’e liu-liu Caicoli ne’ebé mak baibain sai vitima. Ha’u nafatin defende ha’u nia area ne’ebe ha’u ukun ba katak fo’er”, Tenik Xefe suku
Entertantu iha suku Caicoli ne’e iha total populasaun hamutuk rihun lima atus ualu tolunulu resin ida, kompostu husi Aldeia Lima, Aldei 01 Centro Unidade, Aldeia 02 doze de vinha, Aldeia 03 Sakoko, Aldeia 04 Foho Rai Boot no, Aldeia 05 Tahu Laran.