Reportajen Joanina Casmiro
Iha abertura kampaña eleisaun parlamentár 2023, Partidu Demokrátiku (PD) iha hanoin ida katak, tenke nafatin tau-as veteranu no heroes sira, no fo atensaun ba oan ki’ak no jerasaun patriota sira.
Prezidente Partidu Demokrátiku (PD), Mariano Assanami Sabinho, Hateten, la iha razaun barak ba Timoroan atu kontribui partidu bele manan ka la manan, maibe la bele lakon nia direitu luta naruk, hafahe tiha Timor mosu mai balun sai Forsa no balu as’wain.
“Agora haree fali Timor ida ne’ebé ba oin ho forte nu’udar Timor ida ne’ebé ita tenke halo valoriza ba pasadu, ita tenke tau aas Veteranus sira herois sira ita mos tenke fo atensaun ba oan ki’ak sira jerasaun partiota sira maibe ita mos tenke hanaruk Timor ba futuru tenke goza numeru um iha rai ida ne’e,” dehan Prezidente Partidu Demokratiku (PD) Mariano Assanami Sabinho, banhira halo abertura kampaña iha Sede Colmera Partudu PD, kuarta 19/04.
Nia haktuir, PD hamriik nafatin ho votus ne’ebé uituan, kadera ne’ebé uituan ho lian ne’ebé ki’ik, maibé kontinua defende ho partidu ne’ebé “Ba O Timor Maubere Oan Prontu Servi”, tanba ne’e, presiza konfiansa ho Inan Aman, joven sira, atu bele partidu PD hakat ba oin, maibé presiza mós estrutura partidu PD nian, atu servisu makaas.
“Tanba uluk, ita jerasaun asuwain ne’ebé nunka hakiduk luta ba libertasaun Nasional, tanba ne’e ba kuadru militantes ba estrutura tomak ita tenke haraik a’an servisu maka’as servisu ba dinas vizita uma ida ba uma ida ita tenke ba vizita ema ida ba ema seluk ba maun alin sira hotu ba grupu oin-oin,” hateten Asanami
Tanba Timor-Leste ida ne’ebé atu ba oin. tenke Timor-Leste ida ne’ebé forte, sólidu fraternu no unidu, Timor-Leste ida ne’ebé tama iha estadu ba ema hotu, Tenke fó espasu ba malu iha rai ida ne’e nu’udar sidadaun umanu la iha diskriminasaun ba malu.