Reportajen Juvinal Cabral
“Violensia ba feto kontinua buras iha ita nia nasaun no violensia hasoru feto kontinua sai dezafiu boot ba partikularmente ida ne’e fo impaktu ba feto no labarik feto sira” dehan Diretora Fokupers Domingas Afonso Amaral iha nia diskursu Seminariu kampaña loron 16 Ativizmu Kontra Violénsia hasoru feto, iha Fokupers 03/12/2024.
Depois de ukun rasik an situasaun violensia kontinua falun feto no labarik feto nia moris bazeia ba estudu prevalensia balun hatudu katak 59% feto ho idade 15 too 49 esperensia hasoru violensia husi sira nia parseiru rasik durante sira nia moris tomak
“Ne’e signifika katak entre feto nain tolu ne’ebe agora dadauk ita sira agora tur iha ne’e feto ida hetan hasoru violensia husi ninia parseiru rasik bazeia ba estudu EAS nia hatudu katak 66 feto hetan ona esperensia hasoru abuzu sexual no 24 feto hetan esperiénsia abuzu sexual ba iha labarik sira”
Hanesan organizasaun fornesedor Fokupers hamutuk ho organizasaun seluk tantu governu servisu hamutuk esforsu lubuk ida atu bele hapara siklu violensia hasoru feto no labarik feto
Tuir esperensia Fokupers nian loro-loron sempre iha kazu 1-3 mak mai regista iha Fokupers, tanba violensia ne’ebe mak feto sira hasoru iha sira nia familia tantu iha publiku. Dadus ne’ebe Fokupers iha husi 2020 ate mai tinan 2024 to’o iha Outubru hatudu katak 557, feto sira hasoru violensia domestika husi sira nia parseiru iha familia, no 301 kazu violénsia hasoru labarik feto ho idade minoridade.
“Esperensia Fokupers feto barak ne’ebe mak sira mai to’o iha ne’e mai ho nivel trauma, ida ne’ebe mak diferente balu mai nivel trauma ida ne’ebe mak ita bele dehan kaman, maibe balun mai ho nivel trauma ke todan tebes sira lakhoi atu ko’alia kona ba saida mak sira hasoru sira prefere hakarak atu tanis nonok de’it no hirus husi sira nia an rasik” haktuir Diretora Fokupers
Diretora ne’e esplika esforsu saida mak Fokupers halo ona depois sira asesu ba uma mahon Fokupers kontinua fo apoiu Psikososial ba iha feto sira atu oinsa rekopera fali sira ninia trauma husi violensia ne’ebe mak sira hasoru no hakbiit liu tan sira nia atividade ho asuntu oioin iha uma mahon
“Ita mos fasilita sira oinsa asesu ba iha tratamentu saude nomos justisa formal, esforsu sira ne’e ita halo hotu to’o iha tempu ida feto sira rasik mak brandi atu deside katak sira hakarak prosesu kazu ne’e ba oin no sira prontu ona atu fila fali ba familia”
Depois de fila ba familia Fokupers kontinua fo formasaun ba sira liuliu oinsa atu empodera sira iha parte ekonomia tanba ema hotu konsiente katak bainhira feto ida nia bele moris indepedente nia mos koko hakotu ona siklu ida violensia husi nia an rasik no nia familia.
“Atividade moris halo negosiu ki’ik iha ne’e ita halo ona no iha esperensia mak hahu husi. 2020 mai to’o 2024 iha feto sobrevivente hamutuk nain 135 mak hetan ona apoiu ba negosiu ki’ik ne’e feto sobrevivente violensia bazeia ba jeneru banhira ita reintegra fali sira iha komunidade ita mos iha fundus ki’ik ruma atu bele halo negosiu”
Esforsu ne’ebe mak Fokupers halo tuir dadus 67% feto sobrevivente sira konsege sobrevive atu kontinua negosiu ki’ik ne’ebe mak sira iha maibe 33% feto barak mak labele kontinua negosiu tenke para. kampaña loron 16 Ativizmu Kontra Violénsia hasoru feto, maka Fokupers halo atividade Semináriu & Bazar ho tema “Hamutuk ita Prevene no hapara Violénsia hasoru feto liuhusi asegura feto nia direitu fundamentál sira inklui direitu ba rai no Propriedade, ativi