Reportajen Umbelina dos Reis
Prezidente Repúblika Jose Ramos Horta hateten, forum abertura ba audio visual Max Sthall nia diak tebes iha muzeum rezisténsia, hodi fo hanoin ba ita hotu inklui governu nune’e bele tau matan ba preservasaun arkivu audiu visual Max Sthall nian. Tanba teknolojia tinan ruanulu liu ba la sufisiente no aat hotu ona nune’e lakonsege halo leitura ba filme sira, tanba inundasaun iha 2022 estraga buat hotu, nune’e hau kuota iha kompetensia maibé iha de’it ibun hodi rekomenda ba governu para nune’e tau orsamentu ne’ebé sufisiente hodi garante protesaun fisika ba arkivu importante hosi istoria edukasaun ba memoria sira ne’ebé luta ba mate.
“Grupu Max Sthall ne’e servisu di’ak no dedikadu los, tanba osan no transporte laiha dala-ruma ha’u mak ajuda fo duit metan.” Dehan Prezidente Repúblika Jose Ramos Horta, ba Jornalista sira iha, Auditoriu Arkivu Muzeum rezisténsia Timorense, kinta-feira, 18/09.
Prezidente Repúblika informa, arkivu muzeum rezisténsia presiza arkivista tekniku nivel superior hodi hanoin ema ida tur iha arkivu ne’eba hodi servisu ho siéntifiku tenki haree ba joven sira, tanba arkivu nasional ne’e ha’u vizita iha tinan hira liu ba edifísiu ne’e nakonu ho dokumentasaun kurtu cirkuitu, maibé dokumentu ne’e aat hotu, nune’e di’ak liu governu tau urjénsia prioridade hodi hadi’a fatin arkivu istoriku.