Reportajen Umbelina dos Reis
Grupu Loriku adventure hala’o viajen atividade haleu Timor-Leste Komemora Loron Juventude Nasional ba dala-20 no mos komemora loron masakre santa cruz 12 de Novembru1991 ba dala-34, sira nia viajen ba sunu lilin no reza ba ruin no ran, ne’ebe sei fakar namkari iha Timor laran tomak, sira mos vizita faluk no oan kiak mate restu sira ne’ebe iha area rural.
Koordenador ba eventu Nelson Turquel hateten, Sira nia viajen ba sunu lilin iha rate ne’ebe sei namkari iha Timor laran tomak sira reza hodi kontinua konsidera sira hosi jerasaun. Sira mos vizita faluk no oan kiak sira ne’ebe hela iha foho ne’eba, nune’e ami mos ba vizita maun-alin mate restu sira ne’ebe hela iha munisípiu hakuak sira tinan ida dala-ida tanba tinan ida dala ida atu hatene deit sira diak ka lae, ami liuhosi sira no kalan toba ho sira, ami kalan halo reflesaun kada munisípiu no area rurais ne’ebe ami tama ba juventude no komunidade sira atu habelar nafatin istoria 12 de novembru ba ema hotu, nune’e ami adventure existe durante tinan ualu (8), ona maibe existe ho ami nia kbiit rasik tanba ami hadomi ami nia rai Timor no povu.
“Ami hakarak deskobre ami nia rai no fatin istoriku, lulik no turistiku atu nune’e ami bele fo koñese ami ny t ia rai ne’e ba rai liur katak ami nia rai mos furak no seguru. Nune’e ohin ami iha konvidadus espesial ida ne’ebe Raider inan feton nain ida mos hakarak lao hodi halao sakrifisiu ida ne’e. Dezafiu lubuk mak ami hetan iha estrada no ai-laran tanba ami monu motor aat no Roda kuak no gas talin kotu maibe ida ne’e mak dezafius.” Dehan Koordenador grupu Loriku Adventure, Nelson Turquel, liuhosi nia diskursu iha komemorasaun loron 12 de novembru ba dala-34, iha semiteriu santa cruz Quintal-boot, kuarta-feira, 12/11.
Nia konklui, Joven sira ne’e mai ho espiritu nasionalismu ne’ebe hadomi duni sira nia rai, nune’e agredese ba apoiu hotu iha Timor laran tomak liu-liu ba estrutura sira iha baze tanba simu, tane, hakuak no kuida ami too fila-fali mai iha fatin sagradu ida ne’e.