Reportajen Silvino Freitas
Tinan 50 proklamasaun unilateralmente indepedensia Timor Leste, líder istoriku Dr. Marí Alkatiri, hanesan mos proklamantes unilateral indepedensia iha 28 Novembro 1975, tanba konsidera kondekorasaun neebe estadu halo, tenke konfirma ho povu nia moris tanba povu kiak ho mukit barak tebes, nunee labele fahe medalla kondekorasaun hanesan nasi-bungkus (etu falun), tanba ne’e maka nia rasik rejeita ona kondekorasaun ba dalarua husi estadu ,tanba presiza deskuti konaba kondekorasaun neebe halo ba nia, hanesan jerasaun neebe hamutuk ho Nicolao Lobato no Francisco Xavier do Amaral hodi proklama indepedensia ba RDTL.
Sekretáriu Jerál FRETILIN. Dr. Marí Alkatiri konsidera kondekorasaun ne’ebé estadu fo hodi rekoñese ema seluk nia kontribuisaun ne’e la’ós dalan diak atu hadia rai no nasaun tanba povu neebe uluk sai alvu ba sira hodi luta atu moris diak to’o dadaun nee sei moris susar tanba nee ba nia maski estadu atu fo rekonesimentu hodi kondekora nia maibe nia lakohi simu tanba uluk nia luta atu servi povu no nasaun.
“hau rejeita ona kondekorasaun dala rua husi prezidente, tanba enkuantu povu sei mukit ho kiak hau lakohi simu kondekorasaun” dehan Eis PM Mari Alkatiri ba jornalista sira hafoin remata serimonia tinan 50 proklamasaun indepedensia iha palasiu governu, (28/11).
Nia dehan tan, povu nia moris neebe sei mijravel labele hanoin atu fahe kondekorasaun hanesan nasi-kotak ho nasi-bungkus, tanba nia rasik hanoin katak ukun an nee lider hotu kontribui atu hadia povu nia moris, nunee iha tinan limanulu proklamasaun indepedensia nia hanesan lider istoriku neebe uluk hamutuk ho lider sira seluk proklama unilateral indepedensia timor leste nian seidauk sente loloos saida mak indepedensia signifika ema seluk mos sei la sente.
“se hau la sente ida nee laiha tan ema ida sente” tenik Eis PM Alkatiri.